Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda E-Salyq Business jańa mobıldi qosymshasy ázirlendi

2021 jyldyń 1 qarasha 2021 14:17

NUR-SULTAN. QazAqparat – QR Qarjy mınıstrligi Memlekettik kirister komıteti E-Salyq Business jańa mobıldi qosymshasyn tanystyrdy, dep habarlaıdy QazAqparat tilshisi.

QR QM Memlekettik kirister komıteti tóraǵasynyń orynbasary Jaıdar Іńkárbaevtyń aıtýynsha, mobıldi qosymsha Qazaqstandaǵy kásipkerlerdiń jumysyn jeńildetý úshin daıarlandy.

«Bul turǵyda jeke kásipkerdi tirkeýden bastap, arnaıy salyq rejımderin tańdaý, esep-qısap pen kiristerdi júrgizý tárbine qatysty barlyq jumysty jeńildetý maqsat etip qoıyldy. Ózderińiz bilesizder, bul rásimder shaǵyn kásipkerlik sýbektileri úshin aıtyrlyqtaı qıyndyq týǵyzady. Atalǵan qosymshada barsha qyzmet qarastyrylǵan. Sonymen qatar, qosymsha kassa apparatynyń fýntsıonalymen jetildirildi. Kassa túbirtekteri bazasynda kásipkerdiń kirisi qalyptasady jáne osy tabystyń bazasynda avtomatty túrde salyq deklaratsııasy toltyrylady», - dedi J. Іńkárbaev Ortalyq kommýnıkatsııalar qyzmetinde.

Onyń sózine qaraǵanda, osy qosymshany paıdalanatyn kásipkerge memlekettik kirister basqarmasy bólimshelerine barýdyń qajet joq. Barlyq qyzmetter avtomatty túrde iske asyrylady.

«Qosymsha servıster túrli anyqtamalardy berýdi qarastyrady. Kásipkerler memlekettik kirister basqarmasynda alý tıis qyzmetterdiń barlyǵy osy qosymshada qamtylǵan. Salyq organdary tarapynan qajet bolǵanda eskertpeler kelip túsedi», - dedi komıtet ókili.


Joǵary qaraı