Aýa raıy
Astana -3 °S
Almaty -7 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda demalys oryndarynyń tazalyǵyn baqylaıtyn reıd bastaldy

2020 jyldyń 25 shilde 2020 10:15

NUR-SULTAN. QazAqparat – QR Ekologııa, geologııa jáne tabıǵı resýrstar mınıstrliginiń bastamasymen «Taza Qazaqstan» aktsııasy aıasynda adamdar jıi demalatyn oryndardyń ekologııalyq ahýaly men tabıǵı tazalyǵyn baqylaıtyn respýblıkalyq reıd óz jumysyn bastady, dep habarlaıdy QazAqparat tilshisi.

«Ózderińiz bilesizder, sońǵy kezde elimizde qorshaǵan ortaǵa degen adamdardyń teris qarym-qatynasyna qatysty Prezıdent úlken syn aıtqan bolatyn. Onyń ishinde Kóbeıtuz oqıǵasy, Kaspııdegi ıtbalyqty jábirleý, Almaty oblysynda lotosty julý jáne taǵy basqa jaıttardy ataýǵa bolady. Memleket basshysy oryn alǵan oqıǵalarǵa qatysty adamdardyń ekologııalyq mádenıetiniń tómendigin aıta kele, osy baǵytta jumys isteý kerektigin naqty tapsyrdy. Osy oraıda bizdiń mınıstrlik Іshki ister mınıstrligimen birlesip, demalys oryndary men basqa da adamdar jıi demalatyn mekenderge reıdti bastadyq. Ondaǵy maqsat – qoqys úıindileri oryndaryn anyqtap, olardy joıý», - deıdi mınıstrlikke qarasty ekologııalyq retteý jáne baqylaý komıtetiniń tóraǵasy Zýlfýhar Joldasov.





Respýblıkalyq tazalyq reıdiniń alǵashqy sapary Býrabaıdan bastaldy.

«Býrabaı - elimizdegi halyq jıi demalatyn oryndardyń biri. Bul jerge bir demalystyń ózinde 50 myń adamǵa deıin keledi. Árıne, onyń bári emes, degenmen kóbi sońynan kóp qoqys qaldyryp ketedi. Býrabaıdyń qoqys qaldyǵy boıynsha basty problemasy - bul jerde sanktsııalanǵan qoqys polıgony joq. Odan bólek, keı demalys oryndary qorshaǵan ortaǵa zııan keltirmeý prıntsıpin ustanbaıdy. Bul baǵytta búginde ákimdik máseleni sheshý jaǵyn qarastyrýda. Sondyqtan bul ekoreıd jaz boıy jalǵasady», - deıdi ol.

Reıd barysynda elimizdiń barlyq óńirleri boıynsha demalys oryndary men ózen, kól, taýly aımaqtardyń tazalyq jaǵdaıy tekserilip, sol jerde tıisti sharalar qabyldanady.

Sondaı-aq, bul sharaǵa quzyrly organdar men jergilikti atqarýshy organdardyń jaýapty mamandary tartylady

























































































Joǵary qaraı