Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda dándi jáne dándi-burshaqty alqaptardyń 49 %-dan astamy jınaldy

2021 jyldyń 14 qyrkúıek 2021 20:02

NUR-SULTAN. QazAqparat – Bıyl egin jınaý naýqany ýaqtyly bastaldy jáne búginde respýblıka boıynsha barlyǵy 7,9 mln.ga dándi jáne dándi-burshaqty daqyldar nemese jalpy jınaý alańynyń 49,4% jınaldy, dep habarlaıdy QazAqparat QR AM baspasóz qyzmetine silteme jasap.

Aǵymdaǵy jyly aýyl sharýashylyǵy daqyldarynyń jalpy egis alańy 23 mln ga qurady (bul 2020 jylmen salystyrǵanda 322 myń ga artyq). Dándi jáne dándi-burshaqty daqyldar 16,1 mln ga (onyń ishinde bıdaı – 12,9 mln ga), maıly daqyldar-3,1 mln ga, kókónis jáne kartop – 473,8 myń ga, maqta-109,7 myń ga, qant qyzylshasy –21,7 myń ga, jemshóp daqyldary-3,2 mln ga alqapta ornalastyryldy.

Ortasha ónimdilik gektaryna 8,0 tsentnerdi qurap, 6,3 mln tonna astyq bastyryldy.

Egin jınaý jumystary bastalatyn ýaqytqa aýyl sharýashylyǵy taýaryn óndirýshiler barlyq qajetti tehnıkany daıyndaǵan.

Jalpy, egin jınaý jumystaryn júrgizý úshin respýblıkada 141,7 myń traktor, 73,5 myń traktor tirkemesi, 36,9 myń astyq jınaıtyn kombaın, 12,8 myń destelegish bar.

Egin jınaý jumystaryn ýaqytyly júrgizý úshin aýyl sharýashylyǵy taýaryn óndirýshiler 396,5 myń tonna jeńildetilgen dızel otyny bólindi. Energetıka mınıstrligimen birlesip, oblys operatorlaryn munaı óńdeıtin zaýyttarǵa(MÓZ) bekitý kestesi bekitildi. Osy jyldyń 2 qyrkúıegindegi jaǵdaı boıynsha kestege sáıkes shilde-qazan aılaryna josparlanǵan 396,5 myń tonnanyń 173,4 myń tonnasy (44%) tıep-jóneltildi.

Energetıka mınıstrligi MÓZ – men 156 teńge/lıtr (189,0 myń teńge/tonna) baǵasyn belgiledi, operatorlardyń jetkizýin eskere otyryp, óńirlerde ortasha baǵa 177 teńge/lıtrdi quraıdy, bul naryqtyq baǵadan 11% - ǵa arzan (JQS-198 teńge/lıtr).

Respýblıkada astyqty saqtaýdyń jalpy syıymdylyǵy 28,8 mln tonna, onyń ishinde astyq qabyldaý kásiporyndarynda 12,0 mln tonna, aýyl sharýashylyǵy taýaryn óndirýshilerde 16,8 mln. tonnany quraıdy. Kórsetilgen saqtaý syıymdylyǵy ótken jyldan qalǵan astyq kólemderin eskere otyryp, jańa egindi saqtaý úshin jetkilikti.


Basty sózder: QR AShM, Aýyl sharýashylyǵy,
Joǵary qaraı