Aýa raıy
Astana -17 °S
Almaty -14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda tsıfrlyq valıýtany engizý máselesi qarastyrylýda

2020 jyldyń 24 qarasha 2020 16:02

ALMATY. QazAqparat – QR Ulttyq banki ortalyq banktiń (Central bank digital currency – CBDC) tsıfrlyq valıýtasyn Qazaqstan Respýblıkasynda engizý máselesin zertteýdi qolǵa aldy, dep habarlaıdy QazAqparat tilshisi.

Halyqaralyq esepter banki júrgizgen saýalnamanyń 2020 jyldyń basyndaǵy málimetine sáıkes, SBDC boıynsha jumysty (zertteý júrgizýden bastap, pılottyq jobalardy iske asyrýǵa deıin) ortalyq bankterdiń saýalnamadan ótken 80% júrgizgen.

«Álemdegi kóptegen ortalyq bankter úshin tólem júıelerin tsıfrlyq transformatsııalaý óte ózekti sanalady. Qazaqstan Ulttyq banki basqa elderdiń 28 ortalyq bankimen birge tsıfrlyq valıýtalar boıynsha negizgi halyqaralyq zertteý tobynyń jumysyna qatysady.Ulttyq bank mamandary Halyqaralyq esepter bankimen jáne Halyqaralyq valıýta qorymen birlese otyryp, tsıfrlyq valıýtany retteý tásilderin zerdeleı bastady», – dep habarlady bankten.

Sonymen qatar málim etilgendeı, Qazaqstan Ulttyq banki Qytaı Halyq Respýblıkasynda, Ońtústik-Shyǵys Azııanyń birqatar elinde, Kanadada, Sıngapýrda jáne Eýropalyq odaqta tsıfrlyq valıýtany engizý jónindegi pılottyq jobalardyń baqylaýshysy bolyp tabylady.

«Qazir ártúrli tehnologııalyq ınfraqurylym men retteý tásilderi eskeriletin Qazaqstan Respýblıkasynda tsıfrlyq valıýtany engizýdiń ártúrli stsenarııine arnalǵan baıandama ázirlenip jatyr. Baıandama 2021 jyldyń ekinshi jartysynda jarııalanady.

Budan keıin qujat múddeli memlekettik organdarmen, halyqaralyq qarjy uıymdarymen, naryq qatysýshylarymen jáne sarapshylarmen talqyǵa túsip, sodan keıin Qazaqstan Respýblıkasynda ortalyq banktiń tsıfrlyq valıýtasyn kezeń-kezeńimen engizý boıynsha pılottyq joba iske asyrylady»,– dep atap ótti bankten.

CBDC tehnologııasy el aýmaǵynda tólemderdiń tıimdiligi men qoljetimdiligin odan ári jetildirý úshin qolma-qol aqshamen jáne qolma-qol aqshasyz tólemderdiń artyqshylyqtaryn biriktirýge tıis. Bul rette tsıfrlyq valıýta tólem ınfraqurylymyn ártaraptandyrýǵa arnalǵan. Pılottyq kezeńniń qorytyndysy boıynsha CBDC Qytaıda, Japonııada, Kanadada jáne Eýropalyq odaq elderinde testileýden ótýde. CBDC resmı deńgeıde engizý Reseı Federatsııasynda qarastyrylyp jatyr.


Joǵary qaraı