Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda tsıfrlyq teńge pılottyq jobasy iske asyrylyp jatyr

2021 jyldyń 9 jeltoqsan 2021 09:25

NUR-SULTAN. QazAqparat – 15 jeltoqsanda tsıfrlyq teńge pılottyq jobasyna qatysty qorytyndy baıandama jarııalanady. Bul týraly búgin Úkimet otyrysynda QR Ulttyq banki tóraǵasy Erbolat Dosaev aıtty, dep habarlaıdy QazAqparat tilshisi.

«Ulttyq bank qarjy sektorynyń tsıfrlyq ınfraqurylymyn damytý jáne qarjylyq ınnovatsııalardy engizý baǵdarlamasyn belsendi túrde iske asyryp jatyr. Ulttyq tsıfrlyq valıýta – tsıfrlyq teńgeni engizýdi kózdeıtin pılottyq - joba bıylǵy jyldyń negizgi bastamalarynyń biri. Joba qarjy naryǵynyń qatysýshylarymen jáne halyqaralyq áriptestermen birlesip iske asyrylýda. Búginde álemde 63 ortalyq bank ulttyq tsıfrlyq valıýtalardy shyǵarý jáne olardyń aınalymy máselesin zertteýmen belsendi túrde aınalysýda. Ortalyq banktiń bólshek tsıfrlyq valıýtasynyń aspektileri Ulttyq banktiń 2021 jylǵy zertteýleriniń basty baǵyty boldy», - dedi ol.

Onyń atap ótýinshe, qazirgi ýaqytta tsıfrlyq teńge platformasynyń prototıpin ázirleý aıaqtaldy. Naryq qatysýshylarymen jáne halyqaralyq uıymdarmen talqylaýlar serııasy ótkizildi.

Pılottyq jobanyń aralyq nátıjeleri Qazaqstan qarjygerleriniń IX kongresinde tanystyryldy.

«2021 jylǵy 15 jeltoqsanda pılottyq jobanyń nátıjeleri boıynsha qorytyndy baıandama jarııalanady. Memleket basshysynyń tapsyrmasy boıynsha Ulttyq bank 2022 jylǵy 1 shildege deıin paıda men shyǵystardy baǵalaı otyryp, tsıfrlyq teńgeni engizý týraly sheshim qabyldaý modelin ázirleıdi. 2022 jylǵy jeltoqsanda tsıfrlyq teńgeni engizý qajettiligi týraly qorytyndy sheshim ázirlenedi», - dedi Erbolat Dosaev .


Joǵary qaraı