Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaqstanda «Birinshi otbasylyq avtomobıl» baǵdarlamasy ázirlenedi

2022 jyldyń 29 qańtar 2022 11:34

NUR-SULTAN. QazAqparat – QR Indýstrııa jáne ınfraqurylymdyq damý mınıstrligi jeńildetilgen avtonesıeleý baǵdarlamasyn qaıta iske qosýdyń birneshe nusqasyn qarastyryp jatyr, dep habarlaıdy QazAqparat tilshisi.

«Otandyq avtomobılderdi halyqqa qoljetimdi etý úshin mınıstrlik jeńildikpen nesıe berý baǵdarlamasyna bıýdjetten qosymsha qarajat bólý máselesin pysyqtaýda.

Budan basqa, Prezıdenttiń tapsyrmasy boıynsha halyqqa jeńildikpen avtonesıe berýdiń jańa baǵdarlamasy ázirlenedi. Qazirgi ýaqytta baǵdarlamany qaıta iske qosýdyń birneshe nusqasy qarastyrylyp jatyr», - delingen atalǵan mınıstrliktiń aqparatynda.

Vedomstvo málimetinshe, onyń birinde kópbalaly otbasylardy, kúsh qurylymdary qyzmetkerlerin, dárigerler men muǵalimderdi qoldaý jóninde kishi baǵdarlama qosý usynylady. Sondaı-aq «Birinshi otbasylyq avtomobıl» kishi baǵdarlamasyn qosý múmkindigi qarastyrylǵan.

Buǵan deıin QR Indýstrııa jáne ınfraqurylymdyq damý vıtse-mınıstri Marat Qarabaev ústemesi jyldyq 4 paıyzdan aspaıtyn, bastapqy jarnasyz avtokólik satyp alý múmkindigi qarastyrylyp jatqanyn aıtqan bolatyn.

Esterińizge sala ketsek, jeńildetilgen avtonesıeleý baǵdarlamasy 2015 jyly iske qosylǵan bolatyn. Ol 20 jylǵa eseptelgen jáne «revolverlik» ádiske negizdelgen. Qarjylandyrýdyń jalpy shegi – 82 mlrd teńge. Baǵdarlama iske asyrylǵan sátten bastap revolverlik-qaıtarymdy qarajatty eskere otyryp, 159 mlrd teńgege 30 525 qaryz berildi. Qazirdiń ózinde 80 myńǵa jýyq adam otandyq avtokólikterdi satyp alǵan.

Jeńildikpen avtonesıe berý baǵdarlamasynyń sharttary:

- 1 jeńil avtokólik quny 15 mln teńgeden;

- nesıe merzimi – 7 jyldan;

- sońǵy qaryz alýshy úshin nomınaldyq syıaqy mólsherlemesi jyldyq 4% aspaýy tıis;

Búgingi tańda osy baǵdarlamamen satyp alý úshin elimizde qurastyrylǵan: Hyundai, KIA, JAC, Chevrolet jáne LADA sııaqty avtomobılder qoljetimdi.


Joǵary qaraı