Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaqstanda bılik basyna áıelder men jastar kóptep kelýde – Germanııa elshisi

2021 jyldyń 29 qazan 2021 17:39

NUR-SULTAN. QazAqparat – Qazaqstanda bılik basyna áıelder men jastar kóptep kelýde. Bul týraly Qazaqstandaǵy Germanııanyń elshisi Monıka Iversen búgin elordada «Qazaqstan jastary: qundylyqtardy, boljamdardy, talpynystardy baǵalaý» zertteýiniń qorytyndysyna arnalǵan sharada, dep habarlaıdy QazAqparat tilshisi.

Ótken jyly «BISAM Central Asia» ortalyǵy 14 pen 29 jas aralyǵyndaǵy jastar arasynda zertteýdi bastady. Maqsat – qazaqstandyq jastardyń ómir saltyn zertteý, olardyń ómirge degen kózqarasyn anyqtap, qandaı qundylyqtardy baǵalaıtynyn bilý. Sonymen qatar elimizde jastar saıasatyn ilgeriletý maqsatynda shet memlekettermen birlesip áreket etý.

«Shell Youth Study» atty nemis ádisnamasyna súıenip jasalǵan zertteý Germanııada 1953 jyldan beri júrgizilip keledi.

Elimizdegi Germanııanyń elshisi Monıka Iversen búginde Eýropalyq odaq pen Ortalyq Azııa elderi arasynda jastardyń ómir súrý standartyn jetildirýge baǵyttalǵan birlesken jumys qolǵa alynǵanyn aıtty.

«Keler jyly Germanııa men Qazaqstan arasyndaǵy dıplomatııalyq baılanystyń ornaǵanyna 30 jyl tolady. Osy oraıda biz qazaqstandyq jastar arasynda bilim berý baǵdarlamalaryn ashyp, túrli sporttyq sharalar uıymdastyramyz. Biz nelikten jastarǵa toqtalyp otyrmyz? Óıtkeni, jastar – memlekettiń bolashaǵy. Memleket, qoǵam, bıznes, ekonomıka barlyǵy da solardyń qolyna ótedi. Sondyqtan da jastarmen birlesip jumys istep, olardyń únine qulaq asý qajet-aq. Jalpy azamattyq qoǵamda adamdar óz oıyn erkin jetkize alatyndaı jaǵdaı jasalýy tıis. Osy oraıda Qazaqstannyń «Halyq únine qulaq asatyn memleket» atty tujyrymdamasyn aıtyp ótýge bolady. Bul jańashyldyq qoǵammen qatar saıasat salasyna da ózgerister ákelip jatyr. Sonyń dáleli búginde Qazaqstanda bılik basyna áıelder men jastar kóptep kelýde», - dedi Monıka Iversen óz sózinde.

QR Prezıdenti janyndaǵy Memlekettik basqarý akademııasynyń rektory Erlan Ábil birlesken jobany júzege asyrýda sheteldik seriktesterge alǵysyn bildirdi.

«Bul zertteýdiń áleýeti zor. Qazirgi jastardyń qandaı qundylyqtardy baǵalap, neni qalaıtynyn bilý mańyzdy. F. Ebert atyndaǵy qormen birlesken zertteýimizdiń qoǵam men jastar úshin bereri kóp degen úmittemin», - dedi ol.


Joǵary qaraı