Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda balalardy mindetti vaktsınalaý týraly buıryqqa qol qoıyldy - feık

2021 jyldyń 22 qazan 2021 17:56

NUR-SULTAN. QazAqparat - Áleýmettik jeliler men messendjerlerde qazaqstandyqtar QR Densaýlyq saqtaý mınıstri Alekseı Tsoı balalardy COVID-19 qarsy mindetti vaktsınatsııa týraly buıryqqa qol qoıǵany týraly habarlama tarap jatyr. Bul - jalǵan, dep málim etti Stopfake.kz.

Sanıtarlyq-epıdemıologııalyq baqylaý komıteti 12 jastan asqan barlyq balalardy COVID-19-ǵa qarsy vaktsınatsııaǵa mindetteıtin buıryq týraly aqparatty joqqa shyǵardy.

Vedomstvonyń resmı ókili mundaı buıryq joq ekenin málimdedi.

– Qazirgi ýaqytta vaktsınanyń qajetti kólemin esepteý, sýyq tizbekti qamtamasyz etý júrgizildi (Pfizer vaktsınasy úshin ýltra tómen temperatýralyq rejımdi saqtaý qajet -mınýs 60 -90 gradýs Tselsıı). Jasóspirimderdi egýge arnalǵan vaktsınany alýdyń boljaldy ýaqyty – bıyl qarashanyń ekinshi onkúndiginde. Atalǵan toptarǵa jatatyn tulǵalardy vaktsınatsııalaý olardyń aqparattandyrylǵan erikti kelisiminen keıin, jasóspirimderdi – tek ata-analardyń nemese resmı ókilderdiń kelisimi boıynsha ǵana júzege asyrylatynyn atap ótkenimiz jón, – dep habarlady Erjan Baıtanaev.

Aıta keteıik, elimizdiń bas sanıtar dárigeri Erlan Qııasov halyqty koronavırýsqa qarsy Pfizer vaktsınasymen egý boıynsha ádistemelik usynymdardy bekitken bolatyn.

Birinshi kezeńde preparat 16-37 apta merzimindegi júkti áıelderge jáne 16-dan 18 jasqa deıingi jasóspirimderge egiledi.


Basty sózder: Koronavırýs, Feık, Oqıǵa,
Joǵary qaraı