Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaqstanda balalar lageri jetispeıdi

2022 jyldyń 17 mamyr 2022 13:59

NUR-SULTAN. QazAqparat – Elimizde jazǵy lagerlerdiń jetispeýshiligi bar. Bul týraly QR BǴM Balalardyń quqyǵyn qorǵaý komıtetiniń tóraǵasy Esenǵazy Imanǵalıev málim etti, dep habarlaıdy QazAqparat tilshisi.

«Bizdegi statıstıka elimizde lagerlerdiń jetispeıtindigin kórsetedi. Osy máseleni sheshý maqsatynda 2020-2023 jyldarǵa arnalǵan qala syrtyndaǵy lagerler jelisin keńeıtýdiń 5 baǵyttan 54 tarmaqtan turatyn jol kartasyn ázirleý qolǵa alyndy. Sońǵy eki jyl boıy eldegi epıdemıologııalyq jaǵdaıǵa baılanysty qurylys jumystary birshama tejeldi», - dedi Esenǵazy Imanǵalıev Bilim jáne ǵylym mınıstrliginde ótken apparat jıynynda.

Onyń aıtýynsha, búginde el aýmaǵyndaǵy 5 lagerdiń jóndeý jumysy toqtap tur.

«Jańadan 5 lager ashý josparlanǵan. Onyń ishinde búginde Qyzylorda oblysynda 2 lagerdiń qurylysy aıaqtalyp, jabdyqtaý jumystary júrip jatyr. Al qurylysy Atyraý oblysynda josparlanǵan 3 lager boıynsha jumys toqtap tur. Sonymen qatar 6 lagerdi qalpyna keltirý jáne jóndeý jumystary jasaldy. Atap aıtqanda, Aqmola oblysy 2 lager, Qyzylorda 1 lager jáne ınvestorlardyń esebinen SQO-da 3 lagerdiń qaıta jóndeldi», - deıdi ol.

Spıker keltirgen málimetke sáıkes, bıyl jazǵy saýyqtyrý naýqanyna jumsalatyn qarjynyń kólemi 4,53 mlrd teńgeni quraıdy.


Joǵary qaraı