Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda bala sanyna qaramaı teńdeı járdemaqy berý máselesi kóterildi

2021 jyldyń 27 qyrkúıek 2021 18:33

NUR-SULTAN. QazAqparat – Elimizde kópbalaly analarǵa arnalǵan járdemaqyny bárine birdeı berý máselesi kóterildi, dep habarlaıdy QazAqparat tilshisi.

Atalǵan másele búgin Úkimet úıinde ótken baspasóz máslıhaty barysynda qozǵaldy.

Baspasóz konferentsııanyń suraq-jaýap kezinde tilshi «Elimizde kópbalaly analardyń otbasylyq tabysyna qaramastan ár bala úshin 4 AEK kóleminde járdemaqy tóleý engizildi. Endigi ýaqytta atalǵan járdemaqyny bala sanyna qaramaı barlyq analarǵa birdeı tóleý máselesi qozǵalyp jatyr. Osy oraıda mınıstrliktiń ustanymy qandaı?» dep saýal joldady.

«Elimizde ana men balany qorǵaý baǵytynda qabyldanǵan keshendi sharalar bar. Búgingi kúni analarǵa memleket tarapynan tólem júktilik jáne bosanǵan kezde beriledi. Sondaı-aq, týǵannan keıin bala kútimi boıynsha 1 jyl boıy taǵaıyndalady. Jáne bul járdemaqy barlyǵyna birdeı tólenedi. Kópbalaly analar máselesine kelsek, ótken jyly 4 jáne odan da kóp balasy bar analarǵa járdemaqy tóleý júıesi engizildi. Ony engizýde eki negizgi sebep bar. Birinshiden, elimizde bala týýdy yntalandyrý maqsatynda. Aıta keter bolsaq, 2019 jyly Qazaqstanda kópbalaly ana sany 252 myń bolsa, ótken jyly ol kórsetkish 428 myńǵa jetti. Bir jyl úshin aıtarlyqtaı jaqsy kórsetkish. Ekinshi sebep, kópbalaly otbasylardyń tabysyn arttyrý maqsatynda taǵaıyndalyp otyr», - dedi QR Eńbek jáne halyqty áleýmettik qorǵaý mınıstri Serik Shápkenov óz jaýabynda.

Sondaı-aq, mınıstr atalǵan járdemaqynyń tek kópbalaly otbasylarǵa arnalǵanyn basa aıtyp, barlyq anaǵa teńdeı járdemaqy tóleý mınıstrlik josparynda joq ekenin jetkizdi.


Joǵary qaraı