Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda aılyǵy az salalar qandaı

2021 jyldyń 17 qyrkúıek 2021 12:36

NUR-SULTAN. QazAqparat – «Eńbek resýrstaryn damytý ortalyǵy» AQ prezıdenti Dáýlet Arǵyndyqov eldegi jumysshylary eń tómen aılyq alatyn salalardy atady, dep habarlaıdy QazAqparat tilshisi.

Atalmysh ortalyq mamandary BAQ ókilderine «Qazaqstannyń eńbek naryǵy: jańa jaǵdaıdaǵy damý» atty tuńǵysh ulttyq baıandamasyn daıyndaǵan bolatyn. QR Eńbek jáne halyqty áleýmettik qorǵaý mınıstrliginiń qoldaýymen daıyndalǵan baıandamada álemniń sonyń ishinde Qazaqstannyń eńbek narǵynda bolyp jatqan trendter men táýekelderge taldaý jasalǵan.

«Jasandy ıntellekt engizýdiń arqasynda damyǵan elderde aldaǵy 15 jylda jumys kúshi ónimdiligi 40%-ǵa deıingi ósýi múmkin. Al Qazaqstanda jumys oryndarynyń 52%-y, Ekonomıkalyq yntamaqtastyq jáne damý uıymynyń elderinde ortasha eseppen 47%-y avtomattandyrýdyń joǵary nemese eleýli təýekeline ushyraıdy», - dedi Dáýlet Arǵyndyqov.

Ol bul qubylysty HH ǵasyrdyń basynda ónerkásip revolıýtsııasymen salystyryp, mundaı táýekelderdiń artynda jańa múmkindikter turatynyn eske saldy.

«ıAǵnı, tehnologııalar eskirip, bir mamandyqtardy joıǵanymen, ornyna jańa mamandyqtar paıda bolady. Biraq ol jumys oryndarynda áldeqaıda qabileti joǵary adamdar qajet bolady. Bul kóp adamǵa qazirgi biliktilikterin qaıta qarap, suranysqa ıe jańa kásipterdi ıgerý kerek degen sóz. Ásirese kognıtıvtik, əleýmettik-minez-qulyq jəne sandyq daǵdylar birinshi orynǵa shyǵady», - degen ortalyq basshysy «adamdar ómir boıy oqyp ótetin zaman kele jatyr» degen ańyzdyń búgine shyndyqqa aınalǵanyn atap ótti.

«Eńbektegen bala kezinen eńkeıgen qartqa aınalǵansha qabiletin jańartyp, oqyp otyrmasa, adamdar eńbek jolynda damı almaıtyn kezeń týyp keledi. Bul iste onlaın oqytýdyń mańyzy artady. Eńbek resrýsrtaryn damytý ortalyǵy shilde aıynda «Elektrondy eńbek bırjasynyń» bazasynda qashyqtan oqytý platformasyn iske qosqan. Búginde ol platformada 70 kýrs bar. Onyń 42-si aqysy, 28-i aqyly», - dedi ol.

Dáýlet Arǵyndyqov jumysshylaryna eń tómen aılyq berip otyrǵan salalardy da atady.

«Eń tómen aılyq eńbek ónimdiligi tómen salalarda tirkelip otyr. Bul: aýyl sharýashylyǵy, saýda, tamaqtandyrý jáne qonaqúı qyzmeti. Bul salalar tartylǵan ınvestıtsııa kólemi boıynsha da artta. Sonyń saldarynan tehnologııa men adam kapıtalynyń damýy baıaý», - dedi «Eńbek resýrstaryn damytý ortalyǵy» AQ prezıdenti.


Joǵary qaraı