Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaqstanda áıelderdiń jumysyn ilgeriletýde tabysty kórsetkishterge qol jetkizildi – Aıda Balaeva

2022 jyldyń 5 naýryz 2022 14:40

NUR-SULTAN. QazAqparat – Qazaqstanda qyzmettiń barlyq salasynda áıelderdiń jumysyn ilgeriletý turǵysynda tabysty kórsetkishterge qol jetkizildi. Bul týraly beıbitshilik pen qaýipsizdik máselesinde áıelderdiń róli taqyrybyna arnalǵan dóńgelek ústel otyrysynda QR Prezıdenti Ákimshiligi Basshysynyń orynbasary Aıda Balaeva aıtty, dep habarlaıdy QazAqparat tilshisi.

«Búgingi jıynda beıbitshilik pen qaýipsizdik máselelerin talqylaımyz. Qazirgi kezde osy taqyrypta jan-jaqty ári mańyzdy dıalog qajet ekenin belgili. Álemdegi qazirgi ahýal shıelenis pen turaqsyzdyqtyń ýshyǵýyn baıqatyp otyr. Qaqtyǵystardyń teris saldary tutas óńirlerge qaýip tóndirip, turaqsyzdyqty týdyrady», - dedi A. Balaeva QR Syrtqy ister mınıstrliginde ótken jıynda.

Osy oraıda ol bul turǵyda 2010 jyly qabyldanǵan «Áıelder, beıbitshilik jáne qaýipsizdik» BUU Qaýipsizdik keńesiniń qarary erekshe mańyzǵa ıe bolyp otyrǵanyn atap ótti.

«Bul qarar, sondaı-aq keıingi segiz qujat soǵys pen beıbitshiliktiń genderlik ólshemderin jáne qaqtyǵystardy toqtatý men sheshýde áıelderdiń mańyzdy rólin moıyndatýǵa yqpal etti. Osymen áıelderdi beıbit kelissózder protsesterine kóptep tartý, gýmanıtarlyq is-qımyl men shıelenisten keıingi qalpyna keltirýge qatysýy quqyǵy bekitilgen. Áıelderdiń qaýipsizdigi men teńdigi bolmaıynsha turaqty beıbitshilikke qol jetkizý múmkin emes ekeni belgili. Qazaqstan tarapy áıelderdi memleket qyzmetiniń barlyq salasynda ilgeriletý jáne áıelder men qyzdardy zorlyq-zombylyqtan qorǵaý úshin qabyldanǵan tıimdi ári ınstıtýtsıonaldy sharalar deńgeıinde tıisti tabystarǵa qol jetkizdi», - dedi A. Balaeva.

QR Prezıdenti Ákimshiligi Basshysynyń orynbasary QR Prezıdentiniń Jarlyǵymen Qazaqstan Respýblıkasyndaǵy 2030 jylǵa deıingi otbasylyq jáne genderlik saıasat tujyrymdamasy bekitilgenin, onda barlyq máseleler qamtylǵanyn eske saldy.


Joǵary qaraı