Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda «Áıelder ıpotekasy» qashan júzege asyrylady

2019 jyldyń 25 jeltoqsan 2019 14:44

ALMATY. QazAqparat - Qazaqstanda turǵyn úı salasynda genderlik teńdikti jetildirý maqsatynda áıelderge arnalǵan ıpoteka jobasy júzege asyrylady. Bul týraly «Qazaqstannyń turǵyn úı qurylys jınaq banki» AQ basshylyǵy aıtty, dep habarlaıdy QazAqparat tilshisi.

«Turǵyn úı qurylys jınaq banki taǵy bir jobany iske qosty. Ony 2020 jyly júzege asyrýdy josparlap otyr. Bul «turǵyn úı qurylysyn qarjylandyrýda genderlik teńdikti qoldaý jónindegi joba» nemese «áıelder ıpotekasy» dep atalady. Jobany Azııa damý banki 38 mıllıard teńge kóleminde qarjylandyrady», - dedi baspasóz máslıhatynda «Turǵyn úı qurylys jınaq banki» AQ basqarma tóraǵasynyń orynbasary Álııa Aıdarbekova.

Qazir Qazaqstanda 9,1 mıllıon áıel turady. Onyń ishinde 4,4 mıllıony jumys isteıdi, olardyń jartysy óz otbasylaryn derbes qamtamasyz etedi. Bul rette áıelder ortasha eseppen er adamǵa qaraǵanda úshten bir bólikke az jalaqy alady.

«Tabys deńgeıiniń tómendigi olardyń úı satyp alý úshin qol jetimdi nesıe alýy er adamdarǵa qaraǵanda qıyn ekenin kórsetedi. Áıelderge nesıeler bastapqy jáne qosymsha turǵyn úı satyp alýǵa beriledi. Nesıeniń eń joǵary somasy 30 mln teńgeni quraıdy. Ony alý úshin tabysy 200 myń teńgeden tómen bolsa, 15% mólsherinde eń tómengi bastapqy jarna, al tabysy 200 myń teńgeden asatyn adamdar úshin 20% bastapqy jarna jetkilikti», – dep túsindirdi Álııa Aıdarbekova.

Onyń aıtýynsha, paıyzdyq mólsherleme aldyn ala boljam boıynsha 12% deńgeıinde bolady.

«Nesıeniń paıyzdyq mólsherlemesi aldyn ala boljam boıynsha 12% deńgeıinde bolady. Aldymen 50%-ǵa deıin aqsha jınaý qajet. Bizben birge aqsha jınaǵan adamnyń keıin stavkasy tómendep 3,5% - 5%-dy quraıtyn bolady. Biz qańtar aıynda alǵashqy 7 mlrd teńgeni alýdy josparlap otyrmyz. Azııa Damý Bankiniń jalǵyz sharty bar. Ipotekalyq nesıeniń 40%-yn iri qalalarǵa, al 60%-yn aımaqtarǵa bereý kerek degen shart qoıdy. Sondyqtan bul baǵdarlama, eń aldymen, aımaqtarda bastalady. Olar bizdiń salymshylarymyz bolýy kerek», - dep tolyqtyrdy Lıazzat Ibragımova.

Avtor Alma Muqanova
Basty sózder: Bankter, Almaty, Ekonomıka, Turǵyn úı,
Joǵary qaraı