Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda aýyl sharýashylyǵy tehnıkasyn jańartý qandaı deńgeıde

2021 jyldyń 10 maýsym 2021 11:17

NUR-SULTAN. QazAqparat – Búgin Úkimet otyrysynda Aýyl sharýashylyǵy mınıstri Saparhan Omarov fermerlerdiń tehnıkasy eskirgenin aıtty, dep habarlaıdy QazAqparat tilshisi.

«Jalpy respýblıka boıynsha kóktemgi dala jumystary keshenin júrgizý úshin 142 myń traktor, 4,3 myń ónimdiligi joǵary egis kesheni, 73 myń tuqymsepkish, 221 myń topyraq óńdeý quraly jumyldyryldy. Sonymen qatar, qolda bar 142 myń traktordyń 75%-ynyń amortızatsııalyq paıdalaný merzimi 15 jyldan asqan, osy óndiristik tsıklge shamamen 35 myń traktor (25%) tolyqqandy qatysty dep aıtýǵa bolady, bul traktor parkiniń tozýy joǵary deńgeıde ekenin kórsetedi»,- dedi S. Omarov.

Onyń aıtýynsha, aýyl sharýashylyǵy tehnıkasy parkiniń jańartylýyna júrgizilgen taldaý óńirlerdiń jańartýdyń eń tómengi tehnologııalyq deńgeıi – 6%-ǵa qol jetkize almaı otyrǵanyn kórsetedi. Joǵary jańartý deńgeıi Aqtóbe, Qyzylorda jáne Qaraǵandy oblystarynda, tómen jańartý deńgeıi Almaty, Batys Qazaqstan jáne Atyraý oblystarynda baıqaldy.

«2020 jyly jańartýdyń ortasha deńgeıi 4,1%-dy qurady. Jańartý qarqynyn jedeldetý úshin oblystar ákimdikteri respýblıkalyq bıýdjetten basqa, jergilikti bıýdjetten de qarajat tartyp, aýyl sharýashylyǵy tehnıkasynyń basym túrlerin, onyń ishinde kooperatıvtik birlestikter úshin satyp alýdy sýbsıdııalaý normatıvterin qosymsha ulǵaıtýy qajet. Mundaı normatıvtik quqyq ınvestıtsııalyq sýbsıdııalaý qaǵıdalarynda kózdelgen. Bıyl fermerlerdiń otandyq tehnıkaǵa degen suranysy artqany baıqalady. Indýstrııa jáne ınfraqurylymdyq damý mınıstrliginiń derekterine sáıkes, mamyr aıyndaǵy jaı-kúı boıynsha otandyq kásiporyndar 1,6 myńnan astam traktor jasap shyǵardy, bul 2020 jyldyń deńgeıinen 3,2 ese kóp», - dedi mınıstr.

Onyń sózine qaraǵanda, ınvestıtsııalyq sýbsıdııalardy bastapqy jarna retinde paıdalaný, sondaı-aq otandyq tehnıkaǵa kredıt berýdiń jeńildikti baǵdarlamalary satyp alý qabiletine oń yqpal etýde. Bul rette, traktorlardyń keıbir modelderi boıynsha suranys óndiristen de joǵary. Otanymyzda qurastyrylatyn «Kırovets», «Versataıl», «Belarýs», «Lovol» traktorlary fermerler arasynda úlken suranysqa ıe, olar alys shet elderdiń osyndaı synyptaǵy tehnıkasymen salystyrǵanda edáýir arzan.

«Sonymen qatar, astyq jınaý naýqanyna «Akros» jáne «Essıl» sekildi kombaındardyń tanymal modelderi óndirisiniń ulǵaıýyn, sondaı-aq Soltústik Qazaqstan oblysynda «KLAAS» kombaındary óndirisiniń bastalýyn kútýdemiz. Satyp alý serpinin jedeldetýge bıylǵy mamyr aıynyń basynda mınıstrlik bekitken ınvestıtsııalyq sýbsıdııa normatıvin arttyrý yqpal etetin bolady», - dedi ol.

2021 jyldyń 5 aıynda respýblıka boıynsha 140,8 mlrd teńgege 8,7 myń aýyl sharýashylyǵy tehnıkasy satyp alyndy.


Joǵary qaraı