Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaqstanda apta ishinde bolǵan taǵaıyndaýlar

2022 jyldyń 17 sáýir 2022 13:18

NUR-SULTAN. QazAqparat – Osy aptada elimizdiń úsh oblysyna jańa ákimder taǵaıyndaldy. QazAqparat agenttigi 11-17 sáýir aralyǵynda bolǵan kadrlyq aýys-túıisterge sholý usynady.

Apta basynda Tamara Dúısenova Eńbek jáne halyqty áleýmettik qorǵaý mınıstri bolyp taǵaıyndaldy.

Tamara Bosymbekqyzy 1965 jyly 11 qańtarda Ońtústik Qazaqstan oblysynda týǵan. 1987 jyly Tashkent halyq sharýashylyǵy ınstıtýtyn bitirdi, mamandyǵy – ınjener-ekonomıst, ekonomıka ǵylymdarynyń kandıdaty.

Eńbek jolyn 1988 jyly ınstıtýtty aıaqtaǵannan keıin Ońtústik Qazaqstan oblysy Saryaǵash aýdanyndaǵy orta mekteptiń ınformatıka pániniń muǵalimi qyzmetinen bastady. 1988-1992 jyldary Ózbek SSR-niń Memlekettik josparlaý komıtetiniń Ekonomıka ǵylymı zertteý ınstıtýtynyń ekonomısi bolyp jumys istedi.

1992-1993 jyldary – Ońtústik Qazaqstan oblysy Saryaǵash aýdandyq ákimshiliginiń aǵa ekonomısi; 1993-1994 jyldary – «Perızat-holdıng» kompanııasynyń bólim basshysy; 1994-1997 jyldary – Saryaǵash aýdany ákiminiń keńesshisi, orynbasary, birinshi orynbasary; 1997-1999 jyldary – Shymkent qalasy ákiminiń birinshi orynbasary; 1999-2002 jyldary – Ońtústik Qazaqstan oblysy ákiminiń orynbasary; 2002-2006 jyldary – Qazaqstan Respýblıkasy Eńbek jáne halyqty áleýmettik qorǵaý mınıstrliginiń vıtse - mınıstri; 2006 - 2008 jyldary - Ońtústik Qazaqstan oblysy ákiminiń orynbasary; 2008 – 2013 jyldary Qazaqstan Respýblıkasy Eńbek jáne halyqty áleýmettik qorǵaý mınıstrliginiń jaýapty hatshysy; Eńbek jáne halyqty áleýmettik qorǵaý vıtse-mınıstri (02.2013-06.2013); Eńbek jáne halyqty áleýmettik qorǵaý mınıstri (2013-2014); QR Densaýlyq saqtaý jáne áleýmettik damý mınıstri (2014-2017); Eńbek jáne halyqty áleýmettik qorǵaý mınıstri (2017-2018); «Nur Otan» parııasynyń hatshysy (2018-2019). «Eńbek resýrstaryn damytý ortalyǵy» AQ jetekshisi (2019-2020).

2020 jyldyń mamyrynda Prezıdent kómekshisi-Prezıdent Ákimshiliginiń Ótinishterdi qaraýdy baqylaý bóliminiń meńgerýshisi bolyp taǵaıyndalǵan. «Qurmet» ordenimen, «Qazaqstan Respýblıkasynyń táýelsizdigine 10 jyl» (2001), «Qazaqstan Konstıtýtsııasyna 10 jyl» (2005) medaldarymen marapattalǵan.

Osy kúni Qurmanǵazy Esqazıev «QazMunaıGaz» UK AQ basqarma tóraǵasynyń mindetin atqarýshy bolyp taǵaıyndaldy.

Qurmanǵazy Orynǵazyuly Esqazıev V.I.Lenın atyndaǵy Qazaq polıtehnıkalyq ınstıtýtynyń munaı fakýltetin geolog-taý-ken ınjeneri mamandyǵy boıynsha bitirdi. 2006 jyly Tomsk polıtehnıkalyq ýnıversıtetinde dıssertatsııa qorǵap, «geologııa-mıneralogııa ǵylymdarynyń kandıdaty» biliktilik dárejesine ıe boldy. 2021 jyly I.M.Gýbkın atyndaǵy Reseı memlekettik munaı jáne gaz ýnıversıtetinde dıssertatsııa qorǵap, «geologııa-mıneralogııa ǵylymdarynyń doktory» ǵylymı dárejesine ıemdendi. Ál-Farabı atyndaǵy ǵylym men tehnıka salasyndaǵy QR Memlekettik syılyǵynyń laýreaty (2015 j.), I.M.Gýbkın atyndaǵy Reseı munaı jáne gaz memlekettik ýnıversıtetiniń «Munaı men gazdy izdeý-barlaý» kafedrasynyń professory.

Eńbek jolyn 1985 jyly «Embimunaı» óndiristik birlestiginde operator-kollektor bolyp bastady. Onda operatorlyqtan bastap «Embimunaıgaz» AQ bas dırektoryna deıingi óndiristik qyzmettiń barlyq satysynan ótti. 2006 - 2008 jyldar aralyǵynda «QazMunaıGaz» Barlaý Óndirý» AQ geologııa jáne ıgerý departamenti dırektorynyń orynbasary, dırektory boldy. 2008 jyldan bastap 2015 jylǵa deıin «QazMunaıGaz» UK AQ-da munaı jáne gaz óndirý jónindegi atqarýshy dırektor, geologııa, geofızıka jáne rezervýarlar jónindegi basqarýshy dırektor, bas geolog, basqarma tóraǵasynyń geologııa jáne keleshek jobalar jónindegi orynbasary, operatsııalyq emes aktıvter (Teńiz, Qashaǵan, Qarashyǵanaq) jónindegi basqarýshy dırektor, geologııa jónindegi basqarýshy dırektor qyzmetterin atqardy. 2015 jyldyń qyrkúıeginen 2018 jylǵa deıin – «Embimunaıgaz» AQ bas dırektory, «QazMunaıGaz» Barlaý Óndirý» AQ bas dırektory. 2018-2020 jyldar aralyǵynda «QazMunaıGaz» UK AQ basqarma tóraǵasynyń barlaý, óndirý jáne munaı servısi jónindegi orynbasary, «QazMunaıGaz» UK AQ basqarma tóraǵasynyń geologııa jáne barlaý jónindegi orynbasary bolyp qyzmet etti. 2020 jyldan bastap «QazMunaıGaz» Barlaý Óndirý» AQ bas dırektory. 2022 jyldyń aqpanynan «QazMunaıGaz» UK AQ basqarma tóraǵasynyń barlaý jáne óndirý jónindegi orynbasary.

Sondaı-aq, Prezıdent keńesshisi bolǵan Maǵzum Myrzaǵalıev «QazMunaıGaz» ulttyq kompanııasy» AQ basqarma tóraǵasy bolyp taǵaıyndaldy.

Maǵzum Maratuly 1978 jyly 7 qarashada Almaty qalasynda týǵan. «Turan» ýnıversıtetin, Syrtqy ister mınıstrliginiń dıplomatııalyq akademııasyn, Sh.Esenov atyndaǵy Qazaq memlekettik tehnologııa jáne ınjınırıng ýnıversıtetin bitirgen. 2001-2004 jyldary - Teńiz jáne Batys Sibir kenishterinde «MIDrillingFluidsInternational» (Schlumberger) burǵylaý eritindileri jónindegi ınjener. 2004-2007 jyldary - «MIDrillingFluidsInternational» Aqtaý fılıalynda bıznesti damytý menedjeri, óndiris jónindegi menedjer, fılıal basshysy. 2007-2010 jyldary - «QazMunaıGaz» UK» AQ «TeńizServıs» JShS bas dırektory. 2010-2012 jyldary - «QazMunaıGaz» UK» AQ basqarýshy dırektory. 2010-2013 jyldary - «QazMunaıGaz» UK» AQ basqarma tóraǵasynyń ınnovatsııalyq damytý jáne servıstik jobalar jónindegi orynbasary. 2013-2014 jyldary – QR munaı gaz vıtse-mınıstri. 2014-2019 jyldar – QR energetıka vıtse-mınıstri. 2019-2021 jyldary – Qazaqstan Respýblıkasynyń ekologııa, geologııa jáne tabıǵı resýrstar mınıstri. 2021-2022 jyldary Qazaqstan Respýblıkasynyń Energetıka mınıstri boldy. 2022 jyldyń qańtarynan beri Prezıdent keńesshisi qyzmetin atqardy.

Taǵy bir mańyzdy taǵaıyndaýlardyń biri – Qazaqstan Respýblıkasy Prezıdentiniń baspasóz hatshysynyń taǵaıyndalýy boldy. Bul qyzmetke Memleket basshysynyń ókimimen Rýslan Jeldibaı keldi.

Rýslan Jeldibaı 1989 jyly Jambyl oblysynda týǵan. T. Rysqulov atyndaǵy Qazaq ekonomıkalyq ýnıversıtetin, Ýorık ýnıversıtetin bitirgen.

Eńbek jolyn 2012 jyly «Qazaqstan» telearnasynda redaktor bolyp bastaǵan. 2012-2018 jyldary «Almaty» telearnasynda bólim basshysy, prodıýser bolǵan.

2018-2019 jyldary Aqparat jáne kommýnıkatsııalar komıtetiniń Internet keńistigindegi jáne áleýmettik jelilerdegi aqparattyq jumys jónindegi basqarma basshysynyń mindetin atqarýshy, basshysy laýazymyn atqarǵan.

2019-2020 jyldary Aqparat jáne qoǵamdyq damý mınıstrliginiń Aqparat komıteti tóraǵasynyń orynbasary bolyp qyzmet etken. 2020-2022 jyldary Prezıdent Ákimshiliginiń Іshki saıasat bólimi meńgerýshisiniń orynbasary boldy.

2 022 jylǵy aqpannan bastap Premer-Mınıstr keńsesi basshysynyń orynbasary laýazymyn atqardy.

Sonymen birge, tanymal qazaqstandyq prodıýser Nurlan Qoıanbaev Prezıdent Teleradıokesheniniń kreatıv dırektory bolyp taǵaıyndaldy.

Ol «Qazaqstan» ulttyq arnasynyń bas prodıýseri bolyp qyzmet atqarǵan. Respýblıkalyq arnalarda túrli tanymal jobalardy júrgizgen.

2021 jyly QR Prezıdentiniń Jarlyǵymen «Shapaǵat» medalimen marapattalǵan.

Al Alpamys Shárimov QR Prezıdentiniń Teleradıokesheni bas dırektorynyń keńesshisi boldy.

Alpamys Shárimov – tanymal televıdenıe jáne kıno prodıýseri. Túrli jyldary «Qazaq radıosynda» jáne «Qazaqstan» telearnasynda jumys istedi.

Qazaqstandyq jáne halyqaralyq telejobalardy uıymdastyrýǵa qatysqan. «Global Gift Foundation» halyqaralyq qaıyrymdylyq qorynyń múshesi.

Memleket basshysynyń ókimimen Tımýr Táshimbaev Qazaqstan Respýblıkasy Bas Prokýrorynyń birinshi orynbasary bolyp taǵaıyndaldy jáne QR Qaýipsizdik Keńesi hatshysynyń orynbasary laýazymynan bosatyldy.

Al Qanat Seıdgapbarov QR Qaýipsizdik keńesi hatshysynyń orynbasary bolyp taǵaıyndaldy.

QR Sybaılas jemqorlyqqa qarsy is-qımyl agenttiginde birqatar aýys-túıis boldy. QR Sybaılas jemqorlyqqa qarsy is-qımyl agenttigi Preventsııa qyzmetiniń basshysy bolyp Murat Jambyluly Ahmetov taǵaıyndaldy. Sonymen qatar Murat Jáleluly Ýrýmhanov agenttiktiń Ózindik qaýipsizdik departamentiniń basshysy qyzmetine taǵaıyndaldy.

Sonymen birge, QR Sybaılas jemqorlyqqa qarsy is-qımyl agenttiginiń 6 óńirdegi departamentine jańa basshylar taǵaıyndaldy.

Atap aıtqanda, QR Prezıdenti janyndaǵy Quqyq qorǵaý organdaryndaǵy kadr saıasaty máseleleri jónindegi komıssııanyń usynymyna sáıkes, QR Sybaılas jemqorlyqqa qarsy is-qımyl agenttigi tóraǵasynyń buıryǵymen:

- Nur-Sultan qalasy boıynsha departament basshysy bolyp Murat Sekeshuly Qarymsaqov;

- Almaty qalasy boıynsha departament basshysy bolyp Ashat Orazhanuly Orazhan;

- Qaraǵandy oblysy boıynsha departament basshysy bolyp Murat Ahtanuly Tóleýbaev;

- Atyraý oblysy boıynsha departament basshysy bolyp Dosanov Erlan Azamatuly;

- Shyǵys Qazaqstan oblysy boıynsha departament basshysy bolyp Denıs Vladımırovıch Shakenov;

- Jambyl oblysy boıynsha departament basshysy bolyp Bolat Nurǵazyuly Jılqıbaev;

- Mańǵystaý oblysy boıynsha departament basshysy bolyp Ádilhan Hasymhanuly Áshirbaev taǵaıyndaldy.

Úkimetke aýyssaq, Bekzat Júsipov QR Premer-Mınıstriniń Keńsesi basshysynyń orynbasary bolyp taǵaıyndaldy.

Bekzat Júsipov 1989 jyly Mańǵystaý oblysynda dúnıege kelgen. Ál-Farabı atyndaǵy Qazaq ulttyq ýnıversıtetin, Qazaq ekonomıka, qarjy jáne halyqaralyq saýda ýnıversıtetin, Shyǵys Anglııa ýnıversıtetin támamdaǵan. «Bolashaq» baǵdarlamasynyń túlegi. Eńbek jolyn 2006 jyly «Qazaqstan» RTRK» AQ Mańǵystaý oblystyq fılıalynda redaktor qyzmetinen bastaǵan. 2009-2013 jyldary respýblıkalyq telearnalarda jumys istedi. 2013-2016 jyldary — Qyzylorda oblysy ákiminiń baspasóz hatshysy – bas ınspektor. 2019-2021 jyldary — «Qazaqstan» RTRK» AQ Mańǵystaý oblystyq fılıalynyń dırektory. 2021-2022 jyldary — Qazaqstan Respýblıkasy Memlekettik hatshysynyń Hatshylyǵy meńgerýshisiniń orynbasary.

Al Rýslan Maǵzumov Premer-Mınıstr Keńsesiniń Óńirlik damý bóliminiń meńgerýshisi qyzmetine taǵaıyndaldy.

Rýslan Maǵzumov 1975 jyly Qaraǵandy oblysynda dúnıege kelgen. Qazaq tutynýshylar kooperatsııasy ınstıtýtyn, Qaztutynýodaǵy Qaraǵandy ekonomıkalyq ýnıversıtetin támamdaǵan.

Eńbek jolyn 1996 jyly «Qaraǵandyavtojol» qazynalyq kásipornynyń jol qoryn jınaý bóliminiń bas mamany laýazymynan bastady.

1998-2001 jyldary — QR Qarjy mınıstrliginiń Bıýdjet departamentiniń ekonomısti, jetekshi ekonomısti, bas mamany. 2001-2003 jyldary — QR Qarjy mınıstrliginiń Memlekettik organdardy qarjylandyrý departamentinde bólim basshysy, basqarma basshysynyń orynbasary.

2003-2008 jyldary — QR Kólik jáne kommýnıkatsııalar mınıstrliginiń Qarjy departamentinde dırektordyń orynbasary, dırektor. 2008-2009 jyldary — «QazAvıaLızıng» AQ ınvestıtsııalar jáne lızıng jónindegi vıtse-prezıdenti. 2009-2010 jyldary — «Qazaqstandyq kóliktik lızıngtik kompanııa» AQ vıtse-prezıdenti.

2010-2011 jyldary — QR Statıstıka agenttiginiń Qarjy jáne qujatpen qamtamasyz etý departamentiniń dırektory. 2011-2012 jyldary — QR Baılanys jáne aqparat mınıstrliginiń Qarjy departamentiniń dırektory, Memlekettik qyzmetterdi avtomattandyrýdy jáne halyqqa qyzmet kórsetý ortalyqtaryn baqylaý komıteti tóraǵasynyń orynbasary.

2012-2014 jyldary — QR Kólik jáne kommýnıkatsııalar mınıstrliginiń Kólik jáne qatynas joldary komıteti tóraǵasynyń orynbasary. 2014-2019 jyldary — «Qazaeronavıgatsııa» RMK basqarýshy dırektory.

2020 jyldan bastap QR Premer-Mınıstriniń Keńsesi qurylymynda jumys istedi. 2022 jylǵy aqpannan bastap qazirge deıin QR Premer-Mınıstri Keńsesiniń Óńirlik damý bólimi meńgerýshisiniń orynbasary boldy.

Belgili jýrnalıst Qanat Qulshymanov QR Premer-Mınıstriniń baspasóz qyzmeti jetekshisiniń mindetin atqarýshy bolyp taǵaıyndaldy.

Qanat Amangeldiuly Qulshymanov L. Gýmılev atyndaǵy EUÝ-dy jýrnalıstıka mamandyǵy boıynsha támamdaǵan. PhD doktory ǵylymı dárejesi bar.

Eńbek jolyn 2007 jyly «Qazaqparat» aqparat agenttiginiń tilshisi bolyp bastady.

Ár jyldary Aqtóbe oblysy ákiminiń baspasóz hatshysy, Eńbek jáne halyqty áleýmettik qorǵaý mınıstrliginiń qoǵammen baılanys departamentiniń dırektory, Jambyl oblysynyń ákimi apparaty basshysynyń orynbasary bolyp jumys istedi.

2021 jylǵy maýsymnan qazirgi kezge deıin «QazMunaıGaz» UK» AQ baspasóz qyzmetiniń basshysy qyzmetin atqardy.

Memleket basshysynyń ókimderimen Darhan Ahmedıev Qazaqstan Respýblıkasy Qorǵanys mınıstriniń orynbasary laýazymyna taǵaıyndaldy. Al Lut Sapýuly Álshekenov Qazaqstan Respýblıkasynyń Tuńǵysh Prezıdenti – Elbasy atyndaǵy Ulttyq qorǵanys ýnıversıtetiniń bastyǵy laýazymyna taǵaıyndaldy.

Erjan Sársenbaı «Jasyl damý» AQ Basqarma tóraǵasy bolyp taǵaıyndaldy.

Erjan Sársenbaı 2001- 2006 jyldary QR Qarjy mınıstrliginde jetekshi maman laýazymynan basqarma basshysy laýazymyna deıin qyzmet atqarǵan. 2006-2007 jyldary QR Premer-Mınıstri Keńsesi Áleýmettik-mádenı damý bólimi Ǵylym jáne ınnovatsııalyq qyzmet sektorynyń meńgerýshisi; 2007-2010 jyldary «Qazaqstan damý banki» AQ Jobalarǵa agenttik qyzmet kórsetý basqarmasynyń basshysy; 2011 jyldan bastap 2014 jylǵy aqpan aıyna deıin «NK Prodkorporatsııa» AQ Nesıelendirý jáne nesıeni ákimshilendirý departamentiniń dırektory; 2015-2017 jyldar Qazaqstan Respýblıkasy Ulttyq ekonomıka mınıstrligi Ekonomıka salalaryn damytý departamenti dırektorynyń orynbasary; 2017- 2021 jyldary Qazaqstan Respýblıkasy Ulttyq ekonomıka mınıstrligi Memleket mindettemelerin basqarý jáne qarjy sektoryn damytý saıasaty departamentiniń dırektory; 2021 jylǵy aqpan aıyna deıin «Qazaqstandyq memlekettik – jekemenshik áriptestik ortalyǵy» AQ Basqarma tóraǵasy bolǵan.

Prezıdenttik jastar kadrlyq rezerviniń ókili Nurbek Serikov Qaraǵandy oblysy Tabıǵı resýrstar jáne tabıǵatty paıdalanýdy retteý basqarmasyna basshy boldy.

Nurbek Serikov 2012 jyldan beri memlekettik qyzmette. Eńbek jolyn Qazaqstan Respýblıkasy Indýstrııa jáne jańa tehnologııalar mınıstrligi Ónerkásip komıtetinde ekonomıst bolyp bastady. Qazaqstan Respýblıkasy Qurylys jáne turǵyn úı-kommýnaldyq sharýashylyq isteri agenttiginde jáne óńirlik damý, ulttyq ekonomıka, ınvestıtsııalar jáne damý mınıstrlikterinde sarapshy bolyp jumys istegen. Indýstrııa jáne ınfraqurylymdyq damý mınıstrliginiń Qurylys jáne turǵyn úı-kommýnaldyq sharýashylyq isteri komıtetinde kommýnaldyq sharýashylyq departamentin basqardy. 2020 jyldyń qańtar aıynan bastap qazirgi taǵaıyndaýǵa deıin «Turǵyn úı-kommýnaldyq sharýashylyǵyn jańǵyrtý men damytýdyń qazaqstandyq ortalyǵy» AQ basqarma tóraǵasynyń orynbasary qyzmetin atqardy.

Qaraǵandy oblysy Qarqaraly aýdanynyń ákimi bolyp Erlan Qusaıyn taǵaıyndaldy.

Erlan Qusaıynnyń úsh joǵary bilimi bar, QR Prezıdenti janyndaǵy Memlekettik basqarý akademııasynyń magıstratýrasyn bitirgen. Eńbek jolyn 1999 jyly Qarqaraly aýdanynda Qazaq tili men ádebıeti pániniń muǵalimi bolyp bastaǵan. Bilim ordasynda mektep dırektoryna deıin laýazymdar atqardy. 2006 jyldan bastap memlekettik qyzmette. Birneshe jyl oblystyq kásipkerlik jáne ónerkásip basqarmasynda túrli laýazymdarda jumys istedi. 2008 jyldan 2014 jylǵa deıin Qaraǵandy oblysy ákiminiń baspasóz qyzmetinde eńbek etti. Buqar Jyraý aýdany ákiminiń orynbasary boldy. 2015 jyldyń maýsymynda oblys ákimi apparatynyń Qazaqstan halqy Assambleıasynyń Hatshylyǵyn basqardy. Keıin «Qoǵamdyq kelisim» KMM dırektory bolyp taǵaıyndaldy. 2020 jyldyń sáýirinen osy ýaqytqa deıin Qaraǵandy oblysynyń ishki saıasat basqarmasyn basqardy. Aıta keteıik, osyǵan de ıin Qarqaraly aýdany ákiminiń mindetin Eldar Dúısetaev atqarǵan bolatyn. Ol jańa jumysqa aýysýyna baılanysty qyzmetinen bosatyldy.

Túrkistan oblysy ákiminiń ókimimen Túrkistan oblysynyń adamı áleýetti damytý basqarmasynyń basshysy laýazymyna Dinıslam Bolathanuly taǵaıyndaldy.

Dinıslam Bolathanuly 1978 jyly Túrkistan qalasynda dúnıege kelgen. Bilimi joǵary.

Mamandyǵy boıynsha fılolog, qazaq tili men ádebıeti pánderiniń oqytýshysy, fılologııa ǵylymdarynyń kandıdaty, quqyqtanýshy. Q.A. ıAsaýı atyndaǵy halyqaralyq qazaq-túrik ýnıversıtetiniń túlegi.

Soltústik Qazaqstan memlekettik ýnıversıtetin jáne Qaraǵandy ekonomıkalyq ýnıversıtetin aıaqtaǵan.

Eńbek jolyn 1999 jyly Soltústik Qazaqstan memlekettik ýnıversıtetiniń qazaq fılologııasy kafedrasynyń oqytýshysy bolyp bastaǵan.

2002-2007 jyldar aralyǵynda Q.A. ıAsaýı atyndaǵy halyqaralyq qazaq-túrik ýnıversıtetiniń qazaq ádebıeti kafedrasynyń oqytýshysy, túrkologııa fakýlteti dekannyń tárbıe jumystary jónindegi orynbasary bolǵan.

2007-2011 jyldary QR Bilim jáne ǵylym mınıstrliginiń Balalardyń quqyqtaryn qorǵaý komıtetiniń ákimshilik-qarjy basqarmasynyń bas mamanynan bastap Joǵary jáne joǵary oqý ornynan keıingi bilim departamentiniń joǵary oqý oryndarynyń qyzmetin úılestirý jáne monıtorıng basqarmasy basshysy bolǵan.

2011-2014 jyldary Ońtústik Qazaqstan memlekettik pedagogıkalyq ınstıtýtynyń oqý isi jónindegi prorektory-birinshi prorektory qyzmetin atqarǵan.

2014-2017 jyldary QR Bilim jáne ǵylym mınıstrliginiń Mektepke deıingi jáne orta bilim, aqparattyq tehnologııalar departamenti dırektorynyń orynbasary, Mádenıet jáne sport mınıstrliginiń Bilim, ǵylymı jumys jáne halyqaralyq yntymaqtastyq departamentiniń dırektory, Bilim jáne ǵylym mınıstrligi Bilim jáne ǵylym salasyndaǵy baqylaý komıtetiniń Astana qalasynyń bilim salasyndaǵy baqylaý departamentiniń basshysy, QR Bilim jáne ǵylym mınıstrliginiń «Ulttyq testileý ortalyǵy» Respýblıkalyq memlekettik qazynalyq kásiporny dırektordyń orynbasary qyzmetterin atqarǵan.

2017 jyldan beri Pavlodar oblysynyń bilim berý basqarmasynyń basshysy qyzmetin atqaryp keldi.


Joǵary qaraı