Aýa raıy
Astana -8 °S
Almaty -8 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda apta ishinde bolǵan taǵaıyndaýlar

2020 jyldyń 29 qarasha 2020 11:54

NUR-SULTAN. QazAqparat - Osy aptada jergilikti jáne ortalyq atqarýshy organdarda taǵaıyndaýlar kóp bolmady. QazAqparat apta ishindegi kadrlyq aýys-túıiske sholý usynady.

Almaty oblysynyń tótenshe jaǵdaılar departamentine jańa basshy taǵaıyndaldy, bul qyzmetke Asqar Toıshybekov keldi.

Buǵan deıin Asqar Tasbolatuly Almaty oblysy TJD bastyǵynyń orynbasary qyzmetin atqarǵan. Azamattyq qorǵaý organdaryndaǵy eńbek jolyn 1992 jyly bastaǵan.

***

QR Densaýlyq saqtaý mınıstriniń buıryǵyna sáıkes, Atyraý oblysynyń memlekettik bas sanıtar dárigeri bolyp Amantaı Jumaǵalıev taǵaıyndaldy.

Amantaı Jumaǵalıev 1957 jyly Atyraý oblysynyń Mahambet aýdanynda dúnıege kelgen. 1980 jyly Qaraǵandy memlekettik medıtsına ınstıtýtyn sanıtarııa dárigeri mamandyǵy boıynsha bitirgen. Eńbek jolyn 1980 jyly burynǵy Gýrev oblystyq sanıtarlyq-epıdemıologııalyq stansasynyń taǵam gıgıenasy bólimshesiniń meńgerýshisi bolyp bastady.

1999-2000 jyldary Atyraý oblystyq sanıtarlyq-epıdemıologııalyq stansasynyń sanıtarlyq-gıgıenalyq bóliminiń meńgerýshisi;

2000-2001 jyldary Atyraý obaǵa qarsy kúres stansasynyń asa qaýipti ınfektsııalar zerthanasynyń dáriger bakterıology;

2001-.2001 jyldary Atyraý obaǵa qarsy kúres stansasynyń epıdemıologııalyq zerthanasynyń meńgerýshisi;

2001-2003 jyldary Atyraý oblystyq sanıtarlyq-epıdemıologııalyq stansasynyń bas dárigeriniń orynbasary;

2003-.2005 jyldary Atyraý oblystyq memlekettik sanıtarlyq-epıdemıologııalyq qadaǵalaý basqarma bastyǵynyń orynbasary;

2005-2008 jyldary Atyraý oblysy Memlekettik sanıtarlyq-epıdemıologııalyq qadaǵalaý departamenti dırektorynyń orynbasary;

2008-2009 jyldary Atyraý oblysy Memlekettik sanıtarlyq-epıdemıologııalyq qadaǵalaý basqarmasy bastyǵynyń orynbasary; 2009- 2013 jyldary Densaýlyq saqtaý mınıstrligi Memlekettik sanıtarlyq-epıdemıologııalyq qadaǵalaý komıtetiniń Atyraý oblysy boıynsha departamenti dırektorynyń orynbasary;

2013-2014 jyldary Densaýlyq saqtaý mınıstrligi Memlekettik sanıtarlyq-epıdemıologııalyq qadaǵalaý komıtetiniń Atyraý oblysy boıynsha departamenti basshysynyń orynbasary;

2014-2017 jyldary Tutynýshylar quqyǵyn qorǵaý agenttiginiń Atyraý oblysy boıynsha departamenti basshysynyń orynbasary;

2018-2019 jyldary Densaýlyq saqtaý mınıstrligi Qoǵamdyq densaýlyq saqtaý komıtetiniń Atyraý oblysy Qoǵamdyq densaýlyq saqtaý departamenti basshysynyń orynbasary;

2019-2020 jyldary Densaýlyq saqtaý mınıstrligi Taýarlar men kórsetiletin qyzmetterdiń sapasy men qaýipsizdigin baqylaý komıtetiniń Atyraý oblysy Taýarlar men kórsetiletin qyzmetterdiń sapasy men qaýipsizdigin baqylaý departamentiniń basshysynyń orynbasary boldy.

***

«Ulttyq kınony qoldaý memlekettik ortalyǵy» kommertsııalyq emes aktsıonerlik qoǵamynyń basqarma tóraǵasy bolyp Esetjan Qosýbaev taǵaıyndaldy.

Esetjan Muratuly memlekettik basqarý organdarynda qyzmet etken. QR Mádenıet, aqparat jáne sport mınıstrligin basqarǵan. Medıakompanııalar men qoǵamdyq qurylymdarǵa basshylyq jasap, mádenıet salasynda túrli jobalardy uıymdastyrǵan.

Ol 1955 jyly Almaty qalasynda dúnıege kelgen. 1980 jyly S.Kırov atyndaǵy Qazaq memlekettik ýnıversıtetiniń tarıh fakýltetin bitirgen. Іri halyqaralyq óner forýmdaryn, qoǵamdyq aktsııalardy, is-sharalardy uıymdastyrýǵa jáne ótkizýge atsalysqan.

Ár jyldary «ART-Tsentr» prodıýserlik ortalyǵynyń bas dırektory, «Almaty – moıa pervaıa lıýbov» retro festıvaliniń prodıýseri jáne júrgizýshisi bolǵan. «Azııa daýysy» halyqaralyq mýzykalyq festıvalderiniń irgetasyn qalaǵandardyń biri.

«Asyl mura» qamqorshylyq keńesiniń quramynda bolǵan, sonyń arqasynda kórnekti qazaq kompozıtorlarynyń shyǵarmalary bar bir jarym myńnan astam muraǵattyq jazbalar qalpyna keltirilgen.

Birneshe jyl boıy mádenı-qoǵamdyq ınstıtýttardy basqarǵan. Kommertsııalyq jáne qarjy qurylymdaryn basqarý tájirıbesi bar.

1998 jyly Ortalyq Azııadaǵy eń iri kınoforým – «Evrazııa» Birinshi halyqaralyq kınofestıvaliniń bas dırektory bolyp taǵaıyndalǵan. E.Qosýbaevtyń shyǵarmashylyq ómirbaıanynda jeke akterlik tájirıbesi bar.

Joǵary qaraı