Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaqstanda apta ishinde bolǵan kadrlyq taǵaıyndaýlar

2022 jyldyń 16 qańtar 2022 13:42

NUR-SULTAN. QazAqparat – Osy aptada elimizde birqatar mańyzdy kadrlyq aýys-túıis boldy. Elimizdiń Úkimeti jasaqtalyp, jańa laýazym ıeleri óz qyzmetterine kiristi. QazAqparat ótip bara jatqan apta ishinde bolǵan taǵaıyndaýlarǵa sholý usynady.

Aptanyń basynda Májilis otyrysyna beınebaılanys arqyly qatysqan Memleket basshysy Qasym-Jomart Toqaev QR Premer-Mınıstri laýazymyna taǵaıyndaýǵa kelisim berý úshin Álıhan Ashanuly Smaıylovtyń kandıdatýrasyn depýtattardyń qaraýyna usynǵan bolatyn.

Talqylaý barysynda Májilis depýtattary Prezıdenttiń usynysyn biraýyzdan qoldap, Álıhan Smaıylovtyń Úkimet basshysy bolyp taǵaıyndalýyna kelisim berdi .

Á. Ashanuly 1972 jyly Almaty qalasynda dúnıege kelgen. 1994 jyly Ál-Farabı atyndaǵy Qazaq memlekettik ulttyq ýnıversıtetin «qoldanbaly matematıka» mamandyǵy boıynsha támamdaǵan. 1996 jyly — QR Prezıdenti janyndaǵy Qazaqstan menedjment, ekonomıka jáne boljamdaý ınstıtýtynyń memlekettik basqarý magıstri dárejesine ıe boldy.

2021 jyly 18 qańtarda QR Prezıdentiniń Jarlyǵymen Premer-Mınıstrdiń birinshi orynbasary bolyp qaıta taǵaıyndalǵan edi.

***

QR Prezıdenti Qasym-Jomart Toqaevtyń Jarlyǵymen Qazaqstan Respýblıkasy Úkimetiniń quramy jarııalandy.

Roman Vasılevıch Sklıar – Qazaqstan Respýblıkasy Premer-Mınıstriniń birinshi orynbasary;

Eraly Luqpanuly Toǵjanov – Qazaqstan Respýblıkasy Premer-Mınıstriniń orynbasary;

Muhtar Beskenuly Tileýberdi – Qazaqstan Respýblıkasy Premer-Mınıstriniń orynbasary – Syrtqy ister mınıstri;

Baqyt Turlyhanuly Sultanov – Qazaqstan Respýblıkasy Premer-Mınıstriniń orynbasary – Saýda jáne ıntegratsııa mınıstri;

Ǵalymjan Telmanuly Qoıshybaev – Qazaqstan Respýblıkasy Premer-Mınıstri Keńsesiniń Basshysy;

Murat Káribaıuly Bektanov – Qazaqstan Respýblıkasynyń Qorǵanys mınıstri;

Erlan Zamanbekuly Turǵymbaev – Qazaqstan Respýblıkasynyń Іshki ister mınıstri;

Asqar Qýanyshuly Omarov – Qazaqstan Respýblıkasynyń Aqparat jáne qoǵamdyq damý mınıstri;

Erbol Shyraqpaıuly Qarashókeev – Qazaqstan Respýblıkasynyń Aýyl sharýashylyǵy mınıstri;

Qanat Sergeıuly Mýsın – Qazaqstan Respýblıkasynyń Ádilet mınıstri;

Ashat Qanatuly Aımaǵambetov – Qazaqstan Respýblıkasynyń Bilim jáne ǵylym mınıstri;

Ajar Ǵınııat – Qazaqstan Respýblıkasynyń Densaýlyq saqtaý mınıstri;

Serik Jambyluly Shápkenov – Qazaqstan Respýblıkasynyń Eńbek jáne halyqty áleýmettik qorǵaý mınıstri;

Qaıyrbek Aıtbaıuly Óskenbaev – Qazaqstan Respýblıkasynyń Indýstrııa jáne ınfraqurylymdyq damý mınıstri;

Erulan Kenjebekuly Jamaýbaev – Qazaqstan Respýblıkasynyń Qarjy mınıstri;

Dáýren Áskerbekuly Abaev – Qazaqstan Respýblıkasynyń Mádenıet jáne sport mınıstri;

ıÝrıı Vıktorovıch Ilın – Qazaqstan Respýblıkasynyń Tótenshe jaǵdaılar mınıstri;

Álibek Sakenuly Qýantyrov – Qazaqstan Respýblıkasynyń Ulttyq ekonomıka mınıstri;

Baǵdat Batyrbekuly Mýsın – Qazaqstan Respýblıkasynyń Tsıfrlyq damý, ınnovatsııalar jáne aeroǵarysh ónerkásibi mınıstri;

Serikqalı Amanǵalıuly Brekeshev – Qazaqstan Respýblıkasynyń Ekologııa, geologııa jáne tabıǵı resýrstar mınıstri;

Bolat Oraluly Aqsholaqov – Qazaqstan Respýblıkasynyń Energetıka mınıstri.

***

Tımýr Súleımenov Qazaqstan Respýblıkasy Prezıdentiniń Ákimshiligi Basshysynyń birinshi orynbasary bolyp taǵaıyndaldy.

***

Osy aptada Erjan Qazyhan QR Prezıdenti Ákimshiligi Basshysynyń orynbasary – QR Prezıdentiniń halyqaralyq yntymaqtastyq jónindegi arnaýly ókili bolyp taǵaıyndaldy.

E. Qazyhan 1954 jyly 21 tamyzda dúnıege kelgen. Almaty qalasynda týǵan. Lenıngrad Memlekettik ýnıversıtetiniń Shyǵys fakýltetinde bilim alyp, 1987 jyly oqýyn támamdaǵan. Tarıhshy, shyǵystanýshy. Tótenshe jáne Ókiletti Elshi dıplomatııalyq dárejesi bar.

***

Memleket basshysynyń Jarlyǵymen Aıda Ǵalymqyzy Balaeva Qazaqstan Respýblıkasy Prezıdentiniń Ákimshiligi Basshysynyń orynbasary laýazymyna taǵaıyndaldy.

Aıda Ǵalymqyzy 2000 jyly Abaı atyndaǵy Almaty memlekettik ýnıversıtetin, 2007 jyly Qazaq ulttyq agrarlyq ýnıversıtetin bitirgen. 1999-2002 jyldary – Almaty oblystyq aqparat jáne qoǵamdyq kelisim basqarmasynyń jetekshi mamany, bas mamany, bólim bastyǵy.

2020 jyldyń 4 mamyr kúni Qazaqstan Respýblıkasy Aqparat jáne qoǵamdyq damý mınıstri bolyp taǵaıyndaldy.

***

Aıbek Dádebaev Qazaqstan Respýblıkasy Prezıdenti Іs basqarýshysy qyzmetine taǵaıyndaldy.

Buǵan deıin ol QR Prezıdenti Іs basqarýshysynyń orynbasary bolyp jumys istegen.

***

Memleket basshysynyń ókimimen Maǵzum Maratuly Myrzaǵalıev Qazaqstan Respýblıkasy Prezıdentiniń keńesshisi laýazymyna taǵaıyndaldy.

***

Beıbit Isabaev Qazaqstan Respýblıkasy Parlamenti Senatynyń depýtaty bolyp taǵaıyndaldy. Tıisti Jarlyqqa Memleket basshysy qol qoıdy.

***

Darhan Jazyqbaev Qazaqstan Respýblıkasynyń Memlekettik qyzmet isteri agenttigi tóraǵasy laýazymyna taǵaıyndaldy.

Darhan Jazyqbaev 1976 jyly dúnıege kelgen. Ál-Farabı atyndaǵy Qazaq ulttyq ýnıversıtetin, QR ІІM Qostanaı zań ınstıtýtyn bitirgen. Fılosof, fılosofııa pániniń oqytýshysy, zańger. Fılosofııa ǵylymdarynyń kandıdaty.

2019 jylǵy maýsymnan beri Qazaqstan Respýblıkasy Memlekettik qyzmet isteri agenttigi tóraǵasynyń orynbasary bolyp eńbek etti.

***

QR Premer-Mınıstriniń ókimimen Marat Baqytjanuly Beketaev QR Premer-Mınıstriniń keńesshisi bolyp taǵaıyndaldy.

Buǵan deıin ol Ádilet mınıstri qyzmetin atqarǵan edi.

***

«Qazaqstan halqyna» qoryn Bolat Jámishev basqaratyn boldy.

Aıta keteıik, Qazaqstanda Memleket basshysy Qasym-Jomart Toqaevtyń tapsyrmasy boıynsha «Qazaqstan halqyna» qoǵamdyq áleýmettik qory (QÁQ) quryldy. Qor Qazaqstan halqyna densaýlyq saqtaý, bilim berý jáne áleýmettik qoldaý, mádenıet jáne sport salalarynda memlekettik qoldaý sharalarynan tys qosymsha qamtamasyz etý máseleleri boıynsha qaıyrymdylyq kómek kórsetedi, tótenshe jaǵdaılar kezinde jáne tótenshe jaǵdaı rejımin engizý kezinde zardap shekkenderge, halyqtyń áleýmettik osal toptary ári osal top balalaryna sporttyq ınfraqurylymnyń damýy jáne qoljetimdiligin arttyrý boıynsha járdemdesedi.

***

Qazaqstan Respýblıkasy Úkimetiniń qaýlysymen Marat Eleýsizuly Sultanǵalıev QR Qarjy birinshi vıtse-mınıstri laýazymyna taǵaıyndaldy.

Marat Sultanǵazıev 1976 jyly Almaty oblysynda dúnıege kelgen. Abaı atyndaǵy Almaty memlekettik ýnıversıtetin, Qazaq memlekettik zań akademııasyn, T. Rysqulov atyndaǵy Qazaq ekonomıkalyq ýnıversıtetin támamdaǵan.

***

QR Úkimetiniń qaýlysymen Jaslan Hasenuly Mádıev Qazaqstan Respýblıkasynyń tsıfrlyq damý, ınnovatsııalar jáne aeroǵarysh ónerkásibi birinshi vıtse-mınıstri qyzmetine taǵaıyndaldy.

J. Mádıev 1983 jyly Almaty qalasynda dúnıege kelgen. Ál-Farabı atyndaǵy Qazaq ulttyq ýnıversıtetin, Kolýmbııa ýnıversıtetin, Massachýsets tehnologııalyq ınstıtýtyn támamdaǵan.

2020 jylǵy qazannan bastap qazirgi tańǵa deıin Qazaqstan Respýblıkasynyń Strategııalyq josparlaý jáne reformalar jónindegi agenttigi tóraǵasynyń orynbasary qyzmetin atqardy.

***

QRÚkimetiniń Qaýlysymen Erlan Erkinuly Battaqov Qazaqstan Respýblıkasynyń saýda jáne ıntegratsııa birinshi vıtse-mınıstri qyzmetine taǵaıyndaldy.

Erlan Battaqov 1969 jyly 9 qazanda Qaraǵandy qalasynda dúnıege kelgen. Qaraǵandy polıtehnıkalyq ınstıtýtyn jáne Memlekettik statıstıka komıteti men Qazaqstan Respýblıkasy Eńbek mınıstrliginiń RSBJI bitirgen.

2019 jylǵy naýryzdan bastap Qazaqstan Respýblıkasy Prezıdentiniń Іs basqarýshysy boldy.

***

QR Úkimetiniń Qaýlysymen Aleksandr Sergeevıch Danılov Qazaqstan Respýblıkasynyń aqparat jáne qoǵamdyq damý vıtse-mınıstri qyzmetine taǵaıyndaldy.

Aleksandr Danılov 1991 jyly 16 jeltoqsanda Qaraǵandy qalasynda týǵan. Qaraǵandy memlekettik tehnıkalyq ýnıversıtetin jáne L. N. Gýmılev atyndaǵy Eýrazııa ulttyq ýnıversıtetin bitirgen. QR Prezıdenti janyndaǵy Ulttyq qoǵamdyq senim keńesiniń múshesi.

2020 jyldyń shilde aıynan bastap Stopfake.kz jobasynyń jetekshisi boldy.

***

Abzal Álıuly Ábdikárimov Qazaqstan Respýblıkasynyń ulttyq ekonomıka vıtse-mınıstri laýazymyna taǵaıyndaldy.

Abzal Ábdikárimov 1987 jyly Túrkistan oblysynda dúnıege kelgen. Abaı atyndaǵy QazUPÝ, «Bolashaq» baǵdarlamasy boıynsha Kings College London, University of London, IE Business School bitirgen. Prezıdenttik Jastar kadrlyq rezerviniń múshesi.

2019 jyldan bastap qazirgi ýaqytqa deıin Básekelestikti qorǵaý jáne damytý agenttiginiń Nur-Sultan qalasy boıynsha departamentiniń basshysy bolyp jumys istedi.

***

Ashat Ǵalymuly Hasenov Qazaqstan Respýblıkasynyń energetıka vıtse-mınıstri qyzmetine taǵaıyndaldy.

Ashat Hasenov 1983 jyly Jambyl oblysynda dúnıege kelgen. Q. Sátpaev atyndaǵy Qazaq ulttyq tehnıkalyq ýnıversıtetin, Halyqaralyq bıznes ýnıversıtetin támamdaǵan.

2019 jyldan bastap qazirgi ýaqytqa deıin «Qazmunaıgaz» AQ qurylymynda jumys istedi.

***

QR Saýda jáne ıntegratsııa mınıstriniń buıryǵymen Erjan Qaldybaıuly Qazanbaev Qazaqstan Respýblıkasy Saýda jáne ıntegratsııa mınıstrliginiń Saýda komıtetiniń tóraǵasy qyzmetine taǵaıyndaldy.

Erjan Qazaqbaev 1983 jyly Almaty oblysynda dúnıege kelgen. Almaty tehnologııalyq ýnıversıtetin, Aberdın ýnıversıtetin bitirgen.

2020 jylǵy jeltoqsannan 2022 jylǵy qańtarǵa deıin QR Saýda jáne ıntegratsııa vıtse-mınıstri qyzmetin atqardy.

***

Almaty qalasy jáne Qostanaı, Qyzylorda, Jambyl oblystaryndaǵy ulttyq qaýipsizdik komıteti departamentterine jańa bastyqtar taǵaıyndaldy.

Almaty qalasy ulttyq qaýipsizdik komıteti departamentiniń bastyǵy bolyp Marat Irmenov taǵaıyndaldy.

Al Qostanaı oblysy boıynsha departamentti budan bylaı ulttyq qaýipsizdik general-maıory Aıbar Dýanbaev basqarady.

Ulttyq qaýipsizdik komıtetiniń Qyzylorda oblysy jáne Baıqońyr qalasy boıynsha departament bastyǵy qyzmetin polkovnık Bolat Qalmyrzaev atqaratyn boldy.

Jambyl oblysy boıynsha Ulttyq qaýipsizdik komıteti departamentiniń bastyǵy bolyp Nurlan Káribjanov taǵaıyndaldy.

N.Qalqamanuly buǵan deıin UQK-niń ortalyq apparatynda departament basshysy laýazymyn atqarǵan.

***

Almatynyń bas sanıtarlyq dárigeri bolyp Qarlyǵash Ábdijabbarova taǵaıyndaldy.

***

Aqtóbe oblystyq sanıtarııalyq-epıdemıologııalyq baqylaý departamentine jańa basshy bolyp Raıhan Qoıshanova taǵaıyndaldy.

Qazirgi kezde osy saladaǵy eńbek ótili - 27 jyl. Buǵan deıin departamenttiń bólim basshysy qyzmetterin, al 2017 jyldan bastap Aqtóbe oblystyq sanıtarııalyq-epıdemıologııalyq baqylaý departamenti basshysynyń orynbasary boldy.


Avtor Rýslan Ǵabbasov
Basty sózder: Taǵaıyndaý, QR Úkimeti,
Joǵary qaraı