Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda apta ishinde bolǵan kadrlyq taǵaıyndaýlar

2021 jyldyń 5 jeltoqsan 2021 11:38

NUR-SULTAN. QazAqparat – Ótip bara jatqan apta ishindegi kadrlyq aýys-túıistiń barlyǵy óńirlerde oryn aldy. Atap aıtar bolsaq, Batys Qazaqstan oblysynyń eki aýdanyna jańa ákim taǵaıyndalyp, Soltústik Qazaqstan men Shyǵys Qazaqstan oblystarynyń sotyna jańa tóraǵalar keldi. QazAqparat apta ishinde osy jáne ózge de taǵaıyndaýlarǵa sholý usynady.

Sonymen Soltústik Qazaqstan oblysynyń sotyna jańa tóraǵa taǵaıyndaldy. Qazaqstan Respýblıkasy Prezıdentiniń Jarlyǵymen bul qyzmetti Erbol Janǵazın atqarady.

Erbol Janǵazın 1961 jyly Shyǵys Qazaqstan oblysynyń Kúrshim aýdanynda dúnıege kelgen. 1987 jyly Qazaq memlekettik ýnıversıtetin zańger mamandyǵy boıynsha támamdaǵan. 1995 jyldan bastap Almaty qalasynda sýdıa, Alataý aýdandyq sotynyń tóraǵasy, Pavlodar oblystyq, Shymkent qalalyq sotynyń qylmystyq ister boıynsha sot alqasynyń tóraǵasy bolyp jumys istedi.

Shyǵys Qazaqstan oblystyq sotynyń jańa tóraǵasy bolyp Manat Kómirshinov taǵaıyndaldy.

Manat Ǵalymuly 1962 jyly 1 sáýirde Taldyqorǵan oblysy Alakól aýdanynda dúnıege kelgen. 1987 jyly Qaraǵandy memlekettik ýnıversıtetin bitirgen. Eńbek jolyn 1987 jyly Qaraǵandy qalasy Kırov aýdandyq atqarý komıtetiniń ınspektory retinde bastady. 1990-1993 jyldary Semeı oblysy prokýrorynyń kómekshisi, aǵa tergeýshisi jáne jalpy qadaǵalaý bóliminiń prokýrory. 1993-1995 jyldary Semeı qalasy Lenın aýdandyq sotynyń halyq sýdıasy. 1995-1997 jyldary aralyǵynda Semeı qalalyq sotynyń sýdıasy boldy. 2001-2002 jyldary Semeı qalasy №2 soty tóraǵasynyń mindetin atqardy. 2008-2012 jyldary Shyǵys Qazaqstan oblysynyń mamandandyrylǵan aýdanaralyq ekonomıkalyq sotynyń tóraǵasy, Shyǵys Qazaqstan oblystyq sotynyń azamattyq ister jónindegi sot alqasynyń tóraǵasy. 2017 jyldan bastap osy ýaqytqa deıin Atyraý oblystyq sotynyń azamattyq ister jónindegi sot alqasynyń tóraǵasy qyzmetin atqardy.

Al osy óńirdiń oblystyq jer qatynastary basqarmasynyń basshysy qyzmetine Nadejda Mıheılıs keldi.

Nadejda Fedorovna 1988 jyldyń 11 sáýirinde Shyǵys Qazaqstan oblysy Ulan aýdany Borsaq aýylynda dúnıege kelgen. 2010 jyly D.Serikbaev atyndaǵy Shyǵys Qazaqstan tehnıkalyq ýnıversıtetin «Jerge ornalastyrý» mamandyǵy boıynsha bitirdi. Eńbek jolyn 2010 jyly jastar is-tájirıbesi baǵdarlamasy boıynsha Óskemen qalalyq jer qatynastary bóliminde bastady. 2011-2013 jyldary aralyǵynda Ulan aýdanynyń jer qatynastary bóliminde hatshy, maman, bas maman bolyp qyzmet etken. 2014-2018 jyldary ShQO jer qatynastary basqarmasy jer ýchaskelerin berý jáne tárkileý boıynsha usynystardy daıyndaý bóliminde bas maman jáne bólim basshysy boldy. 2018-2019 jyldary atalǵan basqarmada ákimshilik bólimniń basshysy laýazymyn atqarǵan. 2019 jyldyń tamyz aıynan bastap osy ýaqytqa deıin Ulan aýdandyq jer qatynastary bóliminiń basshysy bolyp eńbek etti.

Shyǵys Qazaqstan oblysynyń ortalyǵy Óskemen qalasy ákiminiń orynbasary bolyp Irına Smıt taǵaıyndaldy.

Irına Fedorovna 1972 jyly 8 qyrkúıekte Shyǵys Qazaqstan oblysy Glýbokoe aýdany Predgornoe aýylynda dúnıege kelgen. 1995 jyly Óskemen pedagogıkalyq ınstıtýtyn bitirgen. 1989-1990 jyldary Óskemen pedagogıkalyq ınstıtýtynyń laboranty, pedagogıka kafedrasynyń aǵa preparatory boldy. 1995-1998 jyldary qaladaǵy № 11 mektep-gımnazııasynyń tarıh pániniń muǵalimi bolyp eńbek etken. 1998-1999 jyldary Óskemen qalalyq ishki saıasat bóliminiń bas mamany, 1999-2001 jyldary Shyǵys Qazaqstan oblysy Aqparat jáne qoǵamdyq kelisim basqarmasy buqaralyq aqparat quraldary jáne reformalardy nasıhattaý bóliminiń jetekshi mamany laýazymyn atqarǵan. 2001-2005 jyldary ShQO ishki saıasat departamenti qoǵamdyq-saıası jaǵdaıdy taldaý bóliminiń basshysy. 2005-2011 jyldary aralyǵynda Shyǵys Qazaqstan oblysynyń ishki saıasat departamenti aqparattyq saıasat jáne buqaralyq aqparat quraldarynyń monıtorıngi bóliminiń basshysy. 2011-2018 jyldary ShQO ishki saıasat basqarmasy basshysynyń orynbasary bolyp qyzmet etti. 2018-2020 jyldary atalǵan basqarmanyń basshysy boldy. 2020 jyldan bastap osy ýaqytqa deıin oblystyq ishki saıasat basqarmasy basshysynyń orynbasary laýazymynda eńbek etken.

Batys Qazaqstan oblysynyń Tasqala aýdanynyń ákimi bolyp Baýyrjan Aıtmaǵambetov taǵaıyndaldy.

Baýyrjan Esqaıyruly 1981 jyly dúnıege kelgen. Bilimi – joǵary. Batys Qazaqstan agrarlyq-tehnıkalyq ýnıversıteti men Batys Qazaqstan memlekettik ýnıversıtetin jol qozǵalysyn uıymdastyrý jáne quqyqtaný mamandyqtary boıynsha támamdaǵan. Ár jyldary «Jaıyq Stroı servıs» JShS-niń menedjeri, Tasqala aýdany ákimi apparaty uıymdastyrý-baqylaý jáne kadr jumysy bóliminiń ekonomıkalyq jáne áleýmettik damý máseleleri boıynsha bas mamany, Tasqala aýdany, Mereke aýyldyq okrýginiń ákimi, Tasqala aýdany turǵyn úı-kommýnaldyq sharýashylyǵy, jolaýshylar kóligi jáne avtomobıl joldary bóliminiń basshysy, BQO jolaýshylar kóligi jáne avtomobıl joldary basqarmasy basshysynyń orynbasary bolyp jumys jasady. 2020 jyldan bastap BQO jolaýshylar kóligi jáne avtomobıl joldary basqarmasynyń basshysy qyzmetin atqardy.

Sondaı-aq osy oblystyń Terekti aýdany ákimi qyzmetine Tilekqabyl Ǵabdýshev keldi.

Tilekqabyl Aleksandruly 1979 jyly Batys Qazaqstan oblysynda dúnıege kelgen. Bilimi - joǵary. Batys Qazaqstan memlekettik ýnıversıteti men Batys Qazaqstan ınjenerlik-gýmanıtarlyq ýnıversıtetin tarıh páni muǵalimi jáne ekonomıka jáne bıznes magıstri mamandyqtary boıynsha támamdaǵan. Ár jyldary Oral qalasyndaǵy 19-mektepte muǵalim, Aqjaıyq aýdandyq bilim berý bóliminde bas maman, Abaı atyndaǵy mektep-gımnazııa dırektorynyń orynbasary, Aqjaıyq aýdany ishki saıasat bóliminiń basshysy bolyp jumys jasady. 2016 jyldan bastap búginge deıin Aqjaıyq aýdany ákiminiń orynbasary qyzmetin atqardy.


Avtor Marlan Jıembaı
Basty sózder: Qoǵam, Taǵaıyndaý,
Joǵary qaraı