Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda apta ishinde bolǵan kadrlyq taǵaıyndaýlar

2021 jyldyń 10 mamyr 2021 13:00

NUR-SULTAN. QazAqparat – Ótken aptada elimizdiń ortalyq jáne jergilikti atqarýshy organdarynda birqatar kadrlyq aýys-túıis boldy, dep habarlaıdy QazAqparat tilshisi.

Áýeli Tsıfrlyq damý, ınnovatsııalar jáne aeroǵarysh ónerkásibi mınıstriniń buıryǵymen Erjan Bolatuly Meıramov Telekommýnıkatsııalar komıtetiniń tóraǵasy qyzmetine taǵaıyndaldy .

Erjan Meıramov 1982 jyly Almaty oblysynda dúnıege kelgen. Qazaq gýmanıtarlyq-zań ýnıversıtetin, Qazaq ekonomıkalyq ýnıversıtetin, London Koroldik kolledjin bitirgen. Mamandyǵy boıynsha biliktiligi — zańger, ekonomıst, memlekettik saıasat magıstri. Eńbek jolyn 2003 jyly QR Qarjy mınıstrligi Zań qyzmeti departamentiniń quqyqtyq saraptama bólimi mamanynyń m. a. bolyp bastaǵan. 2004-2011 jyldary — QR Qarjy mınıstrliginiń qurylymynda túrli laýazymdardy atqardy. 2011 jylǵy sáýir-maýsym aralyǵynda Qazaqstan Damý Bankiniń Zań departamenti dırektorynyń orynbasary boldy. 2014-2016 jyldary — «Astana EKSPO-2017» ulttyq kompanııasy» AQ ınvestıtsııalardy kommertsııalandyrý jáne tartý departamentiniń dırektory. 2016 jylǵy mamyrdan bastap qazirge deıin kommertsııalyq qurylymdarda basshylyq qyzmetterdi atqardy.

Sondaı-aq, «Eegemen Qazaqstan» jáne «Kazahstanskaıa Pravda» gazetteri bir aktsıonerlik qoǵamǵa biriktirilip, onyń basqarma tóraǵasy qyzmetine Darhan Qydyráli taǵaıyndaldy.

Darhan Qýandyquly Qydyráli 1974 jyldyń 16 sáýirinde sol kezdegi Ońtústik Qazaqstan oblysynyń Túlkibas aýdanynda dúnıege kelgen. Tarıh ǵylymdarynyń doktory, QR UǴA-nyń korrespendent-músheci (2017), Halyqaralyq túrki akademııasynyń prezıdenti (2014 jyldan).

2001-2005 j. - Q.A.ıAsaýı atyndaǵy Halyqaralyq qazaq-túrik ýnıversıtetinde aǵa ǵylymı qyzmetker, ǵalym-hatshy, kafedra meńgerýshisi, apparat jetekshisi, jetekshi ǵylymı qyzmetker.

2005-2006 j. L.N.Gýmılev atyndaǵy Eýrazııa ulttyq ýnıversıtetinde dotsent, aǵa ǵylymı qyzmetker.

2006-2007 j. Qazaqstan Respýblıkasy Prezıdenttik mádenıet ortalyǵynda dırektordyń orynbasary.

2007-2008 j. Qazaqstan Respýblıkasy Bilim jáne ǵylym mınıstrliginde Mınıstrdiń keńesshisi.

2008-2009 j. Qazaqstan Respýblıkasy Prezıdenti Ákimshiliginde sarapshy, sektor meńgerýshisi retinde qyzmet atqarǵan.

2009-2012 jyldar arasynda Qazaqstan Respýblıkasy Prezıdenti Baspasóz hatshysynyń orynbasary bolǵan.

2012 -2014 jyldary Túrki keńesi Bas hatshysynyń orynbasary bolyp qyzmet atqardy.

2014 jyldan bastap Halyqaralyq túrki akademııasynyń prezıdenti.

2015 jylǵy 29 maýsymnan Túrki álemi Ulttyq ǵylym akademııalar odaǵy Hatshylyǵynyń basshysy qyzmetin qosa atqarady jáne atalǵan odaqtyń uıymdastyrýshysy bolyp sanalady.

2016 jyldyń shildesinen «Egemen Qazaqstan» respýblıkalyq gazeti» aktsıonerlik qoǵamynyń Basqarma tóraǵasy.

Apta ishinde Aqtóbe oblysy ákiminiń eki orynbasary taǵaıyndaldy . Onyń biri – Bulbul Eleýsinova.

Bulbul Eleýsinova Q.Jubanov atyndaǵy Aqtóbe memlekettik ýnıversıtetin jáne Qazaq-orys halyqaralyq ýnıversıtetin bitirgen.

Eńbek jolyn Aqtóbe qalasyndaǵy №12 orta mektepte muǵalim bolyp bastaǵan. Ár jyldary Qobda aýdany ákimi apparatynyń bas mamany, Qobda aýdanynyń ishki saıasat, mádenıet jáne tilderdi damytý bóliminiń basshysy, Aqtóbe oblysy ishki saıasat bóliminiń taldaý jáne monıtorıng bóliminiń basshysy, Qobda aýdany ákiminiń orynbasary, Aqtóbe oblysy ákimi apparaty Qazaqstan halqy Assambleıasy hatshylyǵynyń jetekshisi, Aqtóbe oblysynyń ishki saıasat basqarmasynyń basshysy bolyp jumys istedi.

Taǵaıyndalǵanǵa deıin Aqtóbe oblysynyń jumyspen qamtýdy úılestirý jáne áleýmettik baǵdarlamalar basqarmasyn basqardy.

Sondaı-aq, Jaqsyǵalı Imanqulov Aqtóbe oblysy ákiminiń orynbasary bolyp taǵaıyndaldy.

Ol Orynbor aýyl sharýashylyǵy ınstıtýtyn, L. Goncharov atyndaǵy Qazaq avtomobıl joldary ýnıversıtetin bitirgen.

Eńbek jolyn 1987 jyly «Maǵadjan» keńsharynda mal dárigeri, aǵa zootehnıgi, «Maǵadjan» keńsharynyń dırektory, Qazaqstan Respýblıkasy aýyl sharýashylyǵy mınıstrliginiń Aqtóbe aýmaqtyq basqarmasy shekaradaǵy jáne kóliktegi mal dárigerlik jáne fıtosanıtarlyq baqylaý bóliminiń basshysy, Aqtóbe oblysynyń jer qoınaýyn paıdalaný jáne qorshaǵan ortany qorǵaý basqarmasynyń basshysy bolyp jumys istedi.

Ár jyldary Aqtóbe oblysynyń tabıǵı resýrstar jáne tabıǵatty paıdalanýdy retteý basqarmasyn, Tobyl-Torǵaı ekologııa departamentin, Aqtóbe oblysy boıynsha ekologııa departamentin basqardy. Bul qyzmetke taǵaıyndalǵanǵa deıin Aqtóbe oblysynyń tabıǵı resýrstar jáne tabıǵatty paıdalanýdy retteý basqarmasyn basqardy.


Qaraǵandy oblysynyń jolaýshylar kóligi jáne avtomobıl joldary basqarmasynyń basshysy laýazymyna Saıat Shaımın taǵaıyndaldy.

Saıat Shaımın 2011 jyldan 2015 jylǵa deıin «Qaraǵandy joldary» JShS eńbek etti. Qatardaǵy mamannan bólim bastyǵyna deıingi mansap jolyn ótti.

2015 jyly «QazAvtoJol» AQ bas mamany, keıin kúrdeli jóndeý basqarmasynda bas menedjer bolyp jumys istedi.

2019 jyldan bastap Qaraǵandy oblysynyń jolaýshylar kóligi jáne avtomobıl joldary basqarmasy basshysynyń orynbasary qyzmetin atqardy.


QR Úkimetiniń qaýlysymen Serik Rahmetollauly Egizbaev QR aqparat jáne qoǵamdyq damý vıtse-mınıstri qyzmetine taǵaıyndaldy.

Serik Egizbaev 1963 jyly Batys Qazaqstan oblysynda dúnıege kelgen. Batys Qazaqstan aýyl sharýashylyǵy ınstıtýtyn, QR Prezıdenti janyndaǵy Memlekettik qyzmet akademııasyn, Qazaq memlekettik zań akademııasyn bitirgen.

Eńbek jolyn Oral (qazirgi Batys Qazaqstan) oblysyndaǵy «Chapaev» asyl tuqymdy mal zaýytynda jumysshy bolyp bastaǵan.

1986 jyldan 1990 jylǵa deıin óńirdiń komsomol uıymdarynda ár túrli laýazymdarda jumys istegen. 1990-1997 jyldary – Oral oblystyq Qazaqstan Jastar odaǵynyń hatshysy-ıdeologııalyq bóliminiń meńgerýshisi, Batys Qazaqstan oblystyq Qazaqstan Jastar odaǵynyń birinshi hatshysy.

1997-1998 jyldary Batys Qazaqstan oblysynyń ákimdiginde bas ınspektor jáne uıymdastyrý jáne kadr jumysy bólimi meńgerýshisiniń orynbasary laýazymdarynda qyzmet atqarǵan.

2000 jyldan 2001 jylǵa deıin QR Qarjy mınıstrliginiń Uıymdastyrý jáne kadr jumysy departamentiniń bólim basshysy bolyp jumys istegen.

2001-2007 jyldary QR Premer-Mınıstriniń Keńsesinde túrli qyzmetter atqarǵan.

2007-2016 jyldary QR Prezıdenti Ákimshiliginde túrli laýazymdarda jumys istegen.

2016 jylǵy qazanda QR aýyl sharýashylyǵy vıtse-mınıstri bolyp taǵaıyndaldy.

2017 jylǵy naýryzda – «Qazaqstan» RTRK basqarma tóraǵasynyń óńirlik damý jónindegi orynbasary.

2019 jyldyń qyrkúıek aıynan 2021 jyldyń aqpan aıyna deıin Batys Qazaqstan oblysy ákiminiń orynbasary qyzmetin atqardy. Osy jyldyń aqpan aıynan bastap qazirgi ýaqytqa deıin QR Aqparat jáne qoǵamdyq damý mınıstrliginiń apparat basshysy bolyp jumys istedi.


QR Tuńǵysh Prezıdenti – Elbasynyń sheshimimen Ádil Bolatuly Janzaqov Qazaqstan Respýblıkasynyń Tuńǵysh Prezıdenti – Elbasy Protokolynyń bastyǵy qyzmetine taǵaıyndaldy.

Buǵan deıin Ádil Janzaqov QR Tuńǵysh Prezıdenti Protokoly bastyǵynyń orynbasary qyzmetin atqaryp keldi. Elbasynyń shemimen QR Tuńǵysh Prezıdenti Protokolynyń bastyǵy Dandybaev Aslan Momyshuly basqa jumysqa aýysýyna baılanysty qyzmetinen bostatyldy.


Almaty oblysy ákiminiń ókimimen Dándibaev Arslan Momyshuly oblys ákiminiń orynbasary bolyp taǵaıyndaldy.

Arslan Momyshuly Dandybaev 1975 jyly týǵan. Abaı atyndaǵy Almaty memlekettik ýnıversıtetin halyqaralyq qatynastar, referent mamandyǵy boıynsha bitirgen.

Eńbek jolyn Qazaqstan Respýblıkasy Syrtqy ister mınıstrligi Konsýldyq qyzmet departamentiniń mamany, attashesi bolyp bastady.

Ár jyldarda Qazaqstan Respýblıkasynyń Stambýl qalasyndaǵy Konsýldyǵynyń, QR-nyń Túrkııa Respýblıkasyndaǵy Elshiliginiń attashesi, QR-nyń Amserdam qalasyndaǵy Bas konsýldyǵynyń vıtse-konsýly, QR-nyń Nıderland Koroldigindegi Dıplomatııalyq mıssııasynyń ekinshi hatshysy, birinshi hatshysy, QR-nyń Túrkııa Respýblıkasyndaǵy Elshiliginiń birinshi hatshysy, QR Syrtqy ister mınıstrliginiń Memlekettik protokol qyzmeti Memlekettik jáne úkimettik saparlar bóliminiń bastyǵy, QR Prezıdenti Protokolynyń bas sarapshysy, konsýltanty, QR Bas konsýldyǵynyń keńesshisi, QR Stambýl qalasyndaǵy Bas konsýly, QR Syrtqy ister mınıstrliginiń Almaty qalasyndaǵy ókildiginiń Basshysy, «Astana EKSPO-2017» UK» AQ Protokol qyzmetiniń Basshysy, QR Syrtqy ister mınıstrligi Memlekettik protokol qyzmetiniń Basshysy, QR Prezıdenti Protokoly Basshysynyń orynbasary laýazymdaryn atqardy.

2019 jyldyń naýryzynan – QR Tuńǵysh Prezıdenti – Elbasy Protokolynyń Basshysy boldy.


Mańǵystaý oblysy ákiminiń ókimimen Mańǵystaý oblysy qarjy basqarmasynyń basshysy bolyp Svetlana Nareshova taǵaıyndaldy.

Svetlana Bolatqyzy 1972 jyly Mańǵystaý oblysynda dúnıege kelgen.

1996 jyly Qazaqstan memlekettik basqarý akademııasyn qarjyger-ekonomıst mamandyǵy boıynsha aıaqtaǵan.

Eńbek jolyn 1991 jyly saqtandyrý mekemesiniń ınspektory bolyp bastady.

1992-2000 jyldary esepshi, 2000 jyldan 2005 jylǵa deıin Mańǵystaý oblystyq qarjy basqarmasynda bas maman, 2005 jyldan 2013 jylǵa deıin oblystyq ekonomıka jáne bıýdjettik josparlaý departamentinde bólim basshysy qyzmetterin atqardy.

2013 jyldan bastap búgingi kúnge deıin Mańǵystaý oblysynyń ekonomıka jáne bıýdjettik josparlaý basqarmasy basshysynyń orynbasary laýazymynda boldy.


Aqparat jáne qoǵamdyq damý mınıstrligi Aqparat komıteti tóraǵasynyń orynbasary bolyp Jumashev Qanybek Bekbolatuly taǵaıyndaldy.

Qanybek Jumashev 1970 jyly 10 qazanda Mańǵystaý oblysy Eralıev aýdany Jetibaı aýylynda týǵan.

1992 jyly ál-Farabı atyndaǵy Qazaq memlekettik ýnıversıtetin bitirgen. 2006 jyly Sh.Esenov atyndaǵy Aqtaý memlekettik ýnıversıtetin bitirgen.

1992-1993 j.j. Mańǵystaý oblysy Aqtaý qalasyndaǵy «Karajanbasmýnaı» AQ ınjeneri.

1993-1995 j.j. Mańǵystaý oblysy Aqtaý qalasyndaǵy polıtehnıkalyq kolledj muǵalimi.

1995-1997 jyldary Jarkent qalasynda Qarýly kúshter sapynda qyzmet etti.

1997-1998 jyldary Mańǵystaý oblysy Aqtaý qalasy №5 orta mektebiniń muǵalimi.

1998-2000 jyldary Mańǵystaý oblysynyń Bilim berý basqarmasynyń jetekshi mamany.

2000-2004 jyldary Mańǵystaý oblysynyń daryndy balalarǵa arnalǵan mektep-ınternatynyń dırektory.

2004-2005 jyldary Mańǵystaý oblysy Bilim berý basqarmasy meńgerýshisiniń orynbasary.

2005 jyly Mańǵystaý oblysy Bilim berý departamenti dırektorynyń qyzmetin atqarýshy.

2005 jyly Mańǵystaý oblysy Bilim berý departamenti dırektorynyń orynbasary.

2005-2006 jyldary Mańǵystaý oblysy ákiminiń áleýmettik suraqtar boıynsha keńesshisi.

2006-2007 jyldary Mańǵystaý oblysy Bilim berý departamentiniń dırektory.

2007-2010 jyldary Mańǵystaý oblysy Bilim berý basqarmasynyń basshysy.

2010-2012 jyldary Mańǵystaý oblysy ákiminiń orynbasary. 2012-2014 jyldary «Nur Otan» partııasynyń Mańǵystaý oblystyq fılıaly tóraǵasynyń birinshi orynbasary.

2014-2015 jyldary «Nur Otan» partııasy Ortalyq apparaty jetekshisiniń orynbasary.

2015 jyly «Nur Otan» partııasy Tóraǵasynyń Birinshi orynbasarynyń keńesshisi.

2015-2019 jyldary «Nur Otan» partııasynyń Xatshysy.

2019 jyly Mańǵystaý oblysy ákiminiń orynbasary bolyp taǵaıyndaldy.

2020-2021 - QR Aqparat jáne qoǵamdyq damý mınıstriniń keńesshisi.

Joǵary qaraı