Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda analıtık-jýrnalıster daıarlanatyn bolady

2021 jyldyń 6 mamyr 2021 14:10

NUR-SULTAN. QazAqparat - Bıyl qyrkúıek aıynda KAZGUU Ýnıversıteti bazasynda «Jýrnalıstıka: analıtıka jáne zertteý» mamandyǵy ashylady. Bul týraly KAZGUU Basqarma tóraǵasy Talǵat Nárikbaev atalǵan bilim berý baǵdarlamasynyń tusaýkeserinde aıtyp berdi, dep habarlaıdy QazAqparat.

Bilim baǵdarlamasynyń tusaýkeserine Qazaqstan Respýblıkasynyń Aqparat jáne qoǵamdyq damý vıtse-mınıstri Kemelbek Oıshybaev, respýblıkalyq basylymdardyń bas redaktorlary jáne jetekshi buqaralyq aqparat quraldarynyń ókilderi men medıa-menedjerler qatysty.

«Bizdiń zertteýlerimiz boıynsha, elimizde bir jyl ishinde 34 joǵary oqý ornynan 1000-nan astam jýrnalıst daıarlanyp shyǵady. Biraq jýrnalıstıka salasynda qyzmet etetin túlekter kórsetkishi 60%-ǵa jetpeıdi. Demek, joǵary oqý oryndarynda oqý protsesi áli jetildirilmegen, áli de qıyndyqtar bar. KAZGıÝÝ myqty ýnıversıtet bolǵandyqtan, jýrnalıstıka mamandyǵy der kezinde ashylýda. Aldaǵy ýaqytta jańa mamandyqqa mınıstrlik tarapynan qoldaý kórsetýge ázirmiz», - dep atap ótti Qazaqstan Respýblıkasynyń Aqparat jáne qoǵamdyq damý vıtse-mınıstri Kemelbek Oıshybaev.





KAZGUU Basqarma tóraǵasy Talǵat Nárikbaevtyń aıtýynsha, jańa bilim berý baǵdarlamasynyń maqsaty — quqyqtyq jáne ekonomıkalyq salada, ásirese sybaılas jemqorlyqqa qarsy saıasat salasynda tereń bilimi bar analıtık-jýrnalıst mamandar daıyndaý.

«Analıtıkalyq jýrnalıstıkanyń bolýy — jalpy álemdik úrdis jáne ýaqyt talaby. Atalǵan bilim baǵdarlamasyn tańdaǵan stýdentter quqyq, ekonomıka salasynda keń bilim alyp, tıisti aqparatty izdeý, taldaý jáne irikteý, fakt-chekıng daǵdylaryn meńgerip, jýrnalıstik zertteýler júrgizetin bolady», - dep qorytyndylady Talǵat Nárikbaev.











Joǵary qaraı