Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda ana men balany áleýmettik qoldaýǵa 635 mlrd teńge baǵyttaldy

2021 jyldyń 26 aqpan 2021 09:53

NUR-SULTAN. QazAqparat - Balaly otbasylardy áleýmettik qoldaý aıasynda 2020 jyldyń qańtar-jeltoqsan aılarynda respýblıkalyq bıýdjetten, sondaı-aq Memlekettik áleýmettik saqtandyrý qorynan (MÁSQ) jalpy somasy 635,3 mlrd teńgege memlekettik qoldaý kórsetildi, dep habarlaıdy QazAqparat.

«Osylaısha, 430,7 myń adam jalpy somasy 52,3 mlrd teńgege bala týǵanda beriletin birjolǵy járdemaqyny aldy. Bala bir jasqa tolǵanǵa deıin onyń kútimi boıynsha aı saıynǵy járdemaqyny 2020 jyly orta eseppen 120,9 myń adam 31,7 mlrd teńge somaǵa aldy. «Altyn alqa», «Kúmis alqa» alqalarymen marapattalǵan nemese buryn «Batyr Ana» ataǵyn alǵan, I jáne II dárejeli «Ana dańqy» ordenderimen marapattalǵan kópbalaly analarǵa aı saıynǵy járdemaqymen jalpy somasy 49,1 mlrd teńgege 232,3 myń áıel qamtyldy», - delingen Eńbek mınıstrliginiń málimetide.

4 jáne odan da kóp kámeletke tolmaǵan balalary bar kópbalaly otbasylarǵa beriletin járdemaqyny 2020 jyly jalpy somasy 236,2 mlrd teńgege 428 290 myń otbasy aldy.

2020 jyly múgedektigi bar balany tárbıelep otyrǵan adamdarǵa aı saıynǵy járdemaqyny 89,5 myń adam 49,6 mlrd teńge somasynda aldy.

«18 jastan asqan bala kezinen birinshi toptaǵy múgedektiń kútimine baılanysty aı saıynǵy járdemaqyny 14,5 myń adam aldy, olarǵa 8 mlrd teńge tólendi. Bolashaq ana bala týýǵa tolyq daıyn bolýy úshin 2008 jyldan bastap mindetti áleýmettik saqtandyrý júıesiniń qatysýshylary bolyp sanalatyn jumys isteıtin áıelderge MÁSQ qarajaty esebinen júktilikke jáne bala týýǵa baılanysty birjolǵy tólem júzege asyrylady. 2020 jyly ony jalpy somasy 96,4 mlrd teńgege 203,1 myń adam aldy. Bala týǵannan keıin MÁSQ-tan 1 jasqa deıingi bala kútimi boıynsha aı saıynǵy tólemder jasalady. 2020 jyldyń qorytyndysy boıynsha olardy jalpy somasy 106,4 mlrd teńgege 501,6 myń adam aldy», - dep atalyp ótken vedomstvo habarlamasynda.

Budan basqa, 2014 jyldan bastap jumys isteıtin áıelder úshin olardyń bala kútimi boıynsha 1 jasqa deıingi demalysta bolǵan kezeńinde mindetti zeınetaqy jarnalaryn sýbsıdııalaý engizildi.

2020 jyly respýblıkalyq bıýdjetten MÁSQ-tan 1 jasqa deıingi balanyń kútimi boıynsha áleýmettik tólem alýshy 87 275 adamnyń jeke zeınetaqy shottaryna 5,7 mlrd teńge aýdaryldy.


Joǵary qaraı