Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaqstanda aqyly avtoturaqtar kók tústi jolaqpen belgilenbek

2022 jyldyń 16 mamyr 2022 14:20

NUR-SULTAN. QazAqparat – Qazaqstanda alǵash ret kók tústi jol syzyqtary paıda bolady, dep habarlaıdy QazAqparat «Astana turaq keńistigine» silteme jasap.

Pılottyq joba ázirge elordadaǵy Nurjol býlvarynda iske qosyldy. Jańa jolaq túsi júrgizýshilerge yńǵaıly bolý úshin qarastyrylǵan.

Kók jolaq júrgizýshilerge aqyly turaq keńistiginiń shekaralaryn jaqsyraq jáne jyldam anyqtaýǵa kómektesedi.

«Ashyq kók syzyqtar aqyly aımaqty bólip, júrgizýshilerdiń nazaryn aýdarýy kerek. Eger bul jańalyqty qala bıligi maquldasa, bolashaqta elordanyń barlyq aqyly turaq aımaqtary kók jolaqpen bólinetin bolady», - dep jazdy «Astana turaq keńistigi» Facebook jelisinde.

Erejege sáıkes, tólem alǵashqy 30 mınýtta jasalýy kerek. Jumys kúnderi aqyly turaqtar 8:00-20:00 aralyǵynda qoljetimdi bolady.

Demalys jáne mereke kúnderi turaqtardy qoldaný tegin.


Avtor Aıjan Serikjanqyzy
Basty sózder: Kólik, Nur-Sultan, Qoǵam,
Joǵary qaraı