Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaqstanda aqsha men múlikti jylystatý faktileriniń sany kúrt ósti

2022 jyldyń 18 mamyr 2022 14:52

NUR-SULTAN. QazAqparat - Aǵymdaǵy jyldyń qańtar-sáýir aılarynda elimizde qylmystyq jolmen alynǵan aqshany nemese ózge de múlikti jylystaý boıynsha 27 qylmystyq quqyq buzýshylyq tirkeldi, bul bir jyl burynǵymen salystyrǵanda birden 2,3 esege kóp, dep habarlaıdy QazAqparat Finprom.kz. silteme jasap.

2021 jyldyń osy kezeńinde Qazaqstanda mundaı 12 quqyq buzýshylyq tirkeldi, bul jylyna 58,6%-ǵa kem. Óńirlik turǵyda sektordaǵy quqyq buzýshylyqtar Qazaqstan Respýblıkasynyń 17 óńiriniń 13-inde tirkelgen. Kóp jaǵdaıda Almaty qalasy men Almaty oblysynda oryn alǵan – árqaısysynda 5 quqyq buzýshylyq.

Elordada 4 quqyq buzýshylyq tirkeldi. Atyraý, Batys Qazaqstan jáne Pavlodar oblystarynyń árqaısysynda 2 quqyq buzýshylyq oryn aldy. 2021 jyldyń qańtar-sáýir aılarynda mundaı quqyq buzýshylyqtar elimizdiń 17 óńiriniń 9-ynda ǵana tirkelgen.

2022 jyldyń tórt aıynyń qorytyndysy boıynsha Qylmystyq jolmen alynǵan aqshany jáne ózge de múlikti jarııa etý boıynsha quqyq buzýshylyqtardan keltirilgen zalaldyń belgilengen somasy bir jylda birden 32,4% - ǵa, 2,2 mlrd teńgege deıin ósti.

Onyń ishinde memleketke keltirilgen zalal 1,2 mlrd teńgeni, jeke tulǵalarǵa-976,1 mln teńgeni qurady. Osy quqyq buzýshylyqtar boıynsha 365,8 mln. teńge somasyna múlik tárkilendi, onyń ishinde memleketke keltirilgen zalaldy óteý úshin - 315,6 mln. teńge, jeke tulǵalarǵa - 50,2 mln. teńge.

Buǵan deıin kapıtaldy shetelge shyǵarýǵa qarsy is-qımyl boıynsha júrgizilip jatqan jumystar aıasynda Memlekettik kirister organdary Qazaqstan Respýblıkasy azamattarynyń iri transshekaralyq aýdarymdaryna salyqtyq baqylaýdy júzege asyratynyn (aýdarymdardyń ortasha somasy 100 mln teńgeden asqan jaǵdaıda) habarlaǵan bolatyn.


Basty sózder: Ekonomıka, Qarjy,
Joǵary qaraı