Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda ákim saılaýy máresine jetti

2021 jyldyń 25 shilde 2021 21:08

NUR-SULTAN. QazAqparat – Qazaqstan boıynsha 730 eldi mekenniń ákimin anyqtaıtyn saılaý da máresine jetti. Zań boıynsha saılaý ótkizilgennen keıin úsh kún ishinde qorytyndy shyǵarylady, jeti kún ishinde saılanǵan ákimdi tirkeý júzege asyrylady, dep habarlaıdy QazAqparat tilshisi.

Jergilikti saılaý komıssııalarynyń deregi boıynsha, Nur-Sultan ýaqytymen saǵat 20.00-de elimizdiń 9 óńirinde saılaý ýchaskeleri jabyldy.

Al saǵat 21.00 kezinde búkil respýblıka boıynsha daýys berý aıaqtaldy.

Osylaısha, kezekti saılaý naýqanyna oraı ashylǵan 14 óńirdegi 1847 saılaý ýchaskesi jumysyn qorytyndylap jatyr

Buǵan deıin habarlaǵanymyzdaı, atalǵan 730 saılaý okrýginde 2582 kandıdat usynylǵan.

Sonyń 2297-i tirkeýden ótken. Kandıdattardyń basym bóligi – óz-ózin usynýshylar. ıAǵnı, saılaý zańnamasyndaǵy jańa múmkindikti 1419 adam paıdalanyp otyr.

Sondaı-aq, 878 úmitkerdi Ádilet mınıstrliginiń tirkeýinde bar 6 saıası partııa usynǵan.

Halyqtyń daýys berýi arqyly ákim bolǵysy keletinderdiń genderlik quramyna kelsek, er úmitkerlerdiń sany –1839. Solarmen birge 458 áıel úmitker baǵyn synady.

«Partııalyq emes baıqaý ortalyǵy» respýblıkalyq qoǵamdyq birlestiginiń tóraǵasy Tólegen Kúnádilovtiń aıtýynsha, birlestiktiń 2 myńnan astam ókili 1847 saılaý ýchaskesinde beıtarap baqylaý júrgizgen.

«Dál qazir búkil málimetterdi ortalyqqa aldyryp, saraptap jatyrmyz. Negizgi qorytyndy keıin belgili bolady. Aldyn ala qorytyndy boıynsha, saılaý zańnamasyna, daýys berý protsesiniń ashyqtyǵyna nuqsan keltiretin óreskel qaıshy áreketter bolǵan joq. Saılaý protsesine kedergi keltirmeıtin, 10-ǵa jýyq eleýsiz aqaý tirkeldi. Biraq ol aqaýlar baıqaýshylardyń kózinshe dereý joıyldy», - deıdi Tólegen Kúnádilov.


Joǵary qaraı