Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda adamdardy óltirý úshin 5G baǵanalary ornatylýda - FEIK

2021 jyldyń 13 qazan 2021 11:32

NUR-SULTAN. QazAqparat - Qaznette Qazaqstanda adamdardy óltirý úshin 5G baǵanalary ornatylýda degen sarynda feık aqparat tartylýda. Bul týraly QazAqparat stopfake.kz saıtyna silteme jasap habarlaıdy.

Qaznet qoldanýshylary 5G tehnologııasy týraly konspırologııalyq teorııalardy áli de taratýda. Búginde TikTok áleýmettik jelisinde jáne Telegram messendjerinde uıaly baılanys baǵanalarynyń vıdeosy óte kóp. Olarda baǵanalar planeta halqyn bir mıllıard adamǵa deıin azaıtý úshin qajet dep jazylǵan.


5G tehnologııasy – bul adamdardy jappaı qyryp-joıý quraly nemese qupııa emes qarý emes, tek joǵary ótkizý qabilettiligimen erekshelenetin jáne álem boıynsha adamdarǵa jyldam jáne turaqty ınternet baılanysyn qamtamasyz etetin jańa baılanys formaty.
5G tolqyndary – 24 GGts jáne odan joǵary dıapazonda jumys isteıdi. Biz biletin Wi-Fi roýterleri, polıtsııa radarlary, keıbir jerserikter jáne t.b. qurylǵylar da osy jıilikte jumys isteıdi. Fızık jáne ǵylymdy tanymal etýshi Dmıtrıı Pobedınskıı Tehnologııanyń qalaı jumys isteıtini jáne nege odan qorqýdyń qajeti joq ekendigi týraly óziniń YouTube kanalynda egjeı-tegjeıli, aıtyp beredi.

5G tolqyndarynyń adam densaýlyǵyna áserin ǵalymdar tekserdi. Olar tehnologııa adamdar men janýarlardyń densaýlyǵyna aıtarlyqtaı zııan keltire almaıdy degen qorytyndyǵa keldi.

5G baǵanalary qarý bolyp tabylady jáne tehnologııanyń ózi qaterli isik, aýtızm, COVID-19 aýrýlaryna ákeledi, sondaı-aq adamdarda úreı men ábigerlik týdyrýy múmkin degen teorııalardy biz buǵan deıin joqqa shyǵardyq.

Qupııa álemdik Úkimettiń josparlaryn júzege asyrǵannan keıin tiri qalatyn adamdar týraly «Altyn mıllıard» dep atalatyn teorııa qastandyq teorııasy bolyp tabylady jáne eshqandaı dáleli joq. Ony buǵan deıin joqqa shyǵarǵan bolatynbyz.

Demek, Qazaqstanda adamdardy jappaı óltirý úshin 5G antennalary ornatylýda degen aqparat feık jáne konspırologııa. Baılanystyń jańa formaty adamdar men janýarlarǵa aıtarlyqtaı teris áser ete almaıdy jáne ol qarý emes.


Basty sózder: Internet, Feık, Vıdeo,
Joǵary qaraı