Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda Adam quqyqtary jónindegi ýákildiń ókilettigi keńeıtiledi

2021 jyldyń 13 qazan 2021 16:58

NUR-SULTAN. QazAqparat – Qazaqstanda Adam quqyqtary jónindegi ýákildiń ókilettigi keńeıtiledi. Bul týraly Májiliste «Qazaqstan Respýblıkasyndaǵy Adam quqyqtary jónindegi ýákil týraly» zań jobasyn ilespe túzetýlerimen tanystyrý kezinde málim boldy, dep habarlaıdy QazAqparat tilshisi.

«Zań jobasynda ombýdsmenniń ókilettigin keńeıtý eskerilgen onyń ishinde Adam quqyqtary jónindegi ýákil zańsyzdyqqa baılanysty quqyqty qalpyna keltirý úshin qabyldaý kerek sharalarǵa qatysty memlekettik organdarǵa usynystar joldaı alady. Sonymen qatar, azamattyń quqyǵy men bostandyǵyn buzǵan adamǵa qatysty tártiptik, ákimshilik nemese qylmystyq isti júrgizý týraly memlekettik organdar men ókiletti qyzmetkerlerge ótinishhat baǵyttaı alady», - dedi depýtat Irına Ýnjakova zań jobasyn tanystyrý kezinde.

Budan buryn habarlanǵandaı, Adam quqyqtary jónindegi ýákildiń mártebesin kóteretin qadamdar iske asyrylady.

«Zań jobasynda derbes quqyqtylyqqa ıe bolý sııaqty qosymsha bar. Bul óz kezeginde osy qyzmet úshin mańyzdy. ıAǵnı Ýákil tutqyndalmaıdy, qamaýǵa alynbaıdy, qylmystyq ári ákimshilik jaýapqa tartylmaıdy, sondaı-aq tintý men jeke tekserý júrgizilmeıdi», - dedi depýtat.

Aıta keteıik, Adam quqyqtary jónindegi ýákildiń qyzmetine aralasqandarǵa ákimshilik jaza qarastyrylǵan.



Avtor Rýslan Ǵabbasov
Basty sózder: Zań, Adam quqyǵy, Parlament,
Joǵary qaraı