Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda adam quqyǵyn qorǵaý boıynsha BUU usynymy qalaı júzege asyp jatyr

2021 jyldyń 9 shilde 2021 18:30

NUR-SULTAN. QazAqparat – Elimizde adam quqyqtaryn qorǵaýǵa arnalǵan Birikken Ulttar Uıymy keńesiniń usynymdarynyń júzege asý barysy aıtyldy, dep habarlaıdy QazAqparat tilshisi.

«Ámbebap kezeńdik sholý - adam quqyqtary men bostandyqtary salasyndaǵy mindettemeler men mindetterdiń oryndalýyn baǵalaýdyń biregeı tetigi. ÁKSh (Ámbebap kezeńdik sholý) 2008 jyldan bastap BUU Adam quqyqtary jónindegi keńesiniń jumysy sheńberinde jumys isteıdi. Ondaǵy maqsat - eldegi adam quqyqtaryn qorǵaý men kótermeleýdi jaqsartý boıynsha qabyldanǵan sharalar týraly habardar etý», - dedi QR Ádilet vıtse-mınıstri Aqerke Ahmetova OKQ-de ótken baspasóz máslıhatynda.

Mınıstr orynbasarynyń sózinshe, keńestiń quramy ádil geografııalyq bólý qaǵıdaty boıynsha aıqyndalady.

«Ózderińiz biletindeı, Qazaqstan 1992 jyldan bastap BUU-nyń múshesi. ÁKSh aıasyndaǵy bizdiń elimizdiń úshinshi sholýy 2019 jyldyń qarasha aıynda ótti. Birinshi sholý 2010 jyly, sodan keıin 2014 jyly ótti. Sholýdyń máni eldiń jazbasha baıandamasyn aldyn ala usyný, BUU-ǵa qatysýshy memleketterdiń suraq-jaýaptary men túsindirmeleri formatyndaǵy ınteraktıvti dıalog bolyp tabylady. Dıalog qorytyndysy boıynsha elge joldanatyn usynymdar qabyldanady. Elde alynǵan usynystardy oryndaý quraldary men ádisterin óz betinshe tańdaý quqyǵy saqtalady», - deıdi ol.

Sonymen qatar, A. Ahmetova 2019 jylǵy 20 jeltoqsanda atalǵan keńes Qazaqstanǵa qatysty tıisti qujatty qabyldaǵanyn málim etti.

Onda Qazaqstannyń atyna 245 usynym kelip túsken. Ol týraly keńestiń saıtynda tanysýǵa bolady jáne usynymdardy oryndaý merzimi – 2024 jylǵa deıin.

«Qazaqstan áıelderdiń, balalar men múgedekterdiń quqyqtaryn qamtamasyz etý, salaýatty orta, otbasy, balalyq shaq ınstıtýtyn qoldaý jáne taǵy sol sııaqty usynymdardyń 87%-yn (214 usynym)qoldady. Usynymdar azamattyq qoǵamnyń qatysýymen qaraldy jáne ótken jyldyń maýsym aıynda olardy iske asyrýdyń 2020-2024 jyldarǵa arnalǵan vedomstvoaralyq jospary bekitildi. Jáne ol 18 bólimnen turyp, jalpy sany 77 is-sharany qarastyrady. Azamattyq qoǵammen usynymdardy iske asyrý barysyn talqylaý turaqty negizde júrgiziledi. Búgingi tańda 214 usynystyń azamattyq qoǵam kótergen ózekti máseleler boıynsha 20% oryndaldy dep aıtýǵa bolady. 80% boıynsha belsendi jumys júrgizilýde», - dedi mınıstr orynbasary.


Joǵary qaraı