Qazaqstanda 800 jańa mektep salynady - QR Prezıdenti
NUR-SULTAN. QazAqparat - Búkil Qazaqstan boıynsha 800 jańa mektep salynady. Bul týraly Nur Otan partııasynyń kezekten tys XX Sezinde QR Prezıdenti Qasym-Jomart Toqaev aıtty, dep habarlaıdy QazAqparat tilshisi.
«Elimiz básekege qabiletti bolýy úshin bilim jáne mádenıet salasyn órkendetýge, jastardy qoldaýǵa basa mán berýimiz kerek. Búkil Qazaqstan boıynsha 800 jańa mektep salynady. Sonyń arqasynda biz apatty jáne úsh aýysymmen oqytatyn mektepterdiń máselesin tolyq sheshemiz» - dedi QR Prezıdenti.
Sonymen qatar Memleket basshysy barlyq mektepter ınternetpen, kompıýtermen jáne pán kabınetterimen qamtamasyz etiletindigin atap ótti.
«Aýyl mektepteriniń damýyna erekshe kóńil bólinedi. Shaǵyn qalalar men aýdan ortalyqtarynda, aýyldyq jerlerde ornalasqan 5 myńnan astam mektep jańartylýy kerek», - dedi Qasym-Jomart Toqaev.
