Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda 420 myńnan astam adam vaktsınanyń 2 dozasyn aldy

2021 jyldyń 5 mamyr 2021 17:44

NUR-SULTAN. QazAqparat – Qazaqstanda 420 myńnan astam adam vaktsınanyń 2 dozasyn aldy. Bul týraly QR Densaýlyq saqtaý mınıstri Alekseı Tsoı aıtty, dep habarlaıdy QazAqparat tilshisi.

«Ózderińizde bilesizder, Qazaqstanda vaktsınatsııa osy jyldyń aqpanynda bastaldy. Búginde qazaqstandyqtarǵa 2,3 mln doza vaktsınatsııaǵa qoljetimdilik qamtamasyz etilgen. 1 sáýirden bastap vaktsınatsııa qarqynyn 12 esege arttyryp, ıaǵnı, táýligine 11 myńnan búginde 135 myńǵa jetkizip otyrmyz. Qazirgi ýaqytta bizde bizde úsh vaktsına bar jáne azamattarǵa tańdaý múmkindigi berilip otyr. Olar - «Spýtnık V», QazVac jáne Hayat Vah. Vaktsınalar Qazaqstannyń barlyq óńirinde qoljetimdi», - dedi ol Ortalyq kommýnıkatsııalar qyzmetindegi baspasóz máslıhaty barysynda.

Mınıstrdiń atap ótýinshe, búginge deıin 1 507 389 azamat vaktsınanyń 1-komponentin, 422 279 adam 2-komponentin aldy. Sonymen qatar ol elimizdiń barlyq medıtsınalyq uıymdaryn qajetti temperatýra rejımimen qamtamasyz etý, muzdatqysh jabdyqtaryn satyp alý boıynsha aýqymdy jumys júrgizilgendigin atap ótti.

«Eń mańyzdysy mobıldi ekpe jasaý brıgadasy oqytyldy. Qazirgi ýaqytta shamamen 11 myń medıtsına qyzmetkeri vaktsınatsııa protsesin qamtamasyz etýde. Elimizde 1,4 myń egý pýnkti quryldy. Onyń ishinde 400-i kóshpeli pýnkt. Olar eńbek ujymdaryna, saýda úılerine, iri saýda ortalyqtaryna baryp ekpe jasaıdy. Sondyqtan da vaktsınatsııalaý barysy qarqyndy júrgizilip jatyr dep aıta alamyz. El turǵyndarynyń vaktsınaǵa degen senimi de artyp keledi», - dedi Alekseı Tsoı.


Joǵary qaraı