Aýa raıy
Astana 13 °S
Almaty 22 °S
valıýta baǵamy
USD 412.55
EUR 468.66
RUB 5.79
CNY 58.80

Qazaqstanda 30 myńnan astam IT maman jetispeıdi - Asqar Jumaǵalıev

2020 jyldyń 30 maýsym 2020 10:20

NUR-SULTAN. QazAqparat – Tsıfrlyq damý, ınnovatsııalar jáne aeroǵarysh ónerkásibi mınıstri Asqar Jumaǵalıev Úkimet otyrysynda «Tsıfrlyq Qazaqstan» baǵdarlamasynyń nátıjesin baıan etti, dep habarlaıdy QazAqparat tilshisi.

Búgingi kúni el turǵyndarynyń tsıfrlyq daǵdysy - 82,1%. Osy joǵary kórsetkishtiń arqasynda elimiz tsıfrlandyrý boıynsha jaqsy jetistikterge qol jetkizýde.

«Jalpy alǵanda, ІT salasyndaǵy adamı kapıtaldyń damýy arqasynda búgingi kúni «Tsıfrlyq Qazaqstan» baǵdarlamasy aıasynda 802,5 mlrd teńge ekonomıkalyq tıimdilikke qol jetkizildi. Ártúrli salalarda 120 myńnan astam jumys orny ashyldy. Otandyq startaptarǵa 38 mıllıard teńgege jýyq ınvestıtsııa tartyldy», - dep atap ótti Asqar Jumaǵalıev.

Onyń aıtýynsha, halyqaralyq reıtıngterde jaqsy jetistikter bar.

«Búgingi kúni Memleket basshysy Qasym-Jomart Kemelulynyń tapsyrmasyn oryndaý aıasynda memlekettik baǵdarlamaǵa ózgerister engizilip otyr. Onyń ishinde bıznesti, ekonomıka salalaryn tsıfrlandyrýǵa basa kóńil bólinedi. Naqtyraq aıtqanda ekonomıkany tsıfrlandyrýdyń basty draıverleri retinde 10 tehnologııalyq platforma irikteldi. Osynyń nátıjesinde jańa joǵary tehnologııalyq kompanııalar paıda bolady. Ol úshin birinshi kezekte joǵary bilikti IT-mamandar kerek. Búgingi kúnniń ózinde IT-mamandarǵa degen jyl saıynǵy qajettilik - 30 myńnan astam adam», - dedi ol.



Joǵary qaraı