Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda 3 myń megavattyq jańa elektr stansalary salynady

2021 jyldyń 30 qyrkúıek 2021 17:11

NUR-SULTAN. QazAqparat – Elimizde aldaǵy 5 jyldyń ishinde jańa elektr stantsııalaryn salý josparlanyp otyr. Bul týraly QR Energetıka mınıstri Maǵzum Myrzaǵalıev aıtyp berdi, dep habarlaıdy QazAqparat tilshisi.

«Elimizde aldaǵy 5 jyl ishinde 3 myń megavatt generatsııasy bar jańa stansalar salýdy josparlap otyrmyz. Bul - úlken kólemdi joba jáne ol energetıka salasyndaǵy yqtımal táýekelderdi joıýǵa múmkindik beredi. Men tek 3 myń megavatt gaz generatsııasy týraly aıtyp otyrmyn. Gaz energetıkasynan bólek, qýatty JEK (jańartylatyn energııa kózderi) jelisin iske qosý josparlanǵan. Jalpy 2025 jylǵa qaraı eldiń energııa teńgerimindegi JEK kólemi 3%-dan 6%-ǵa jetedi dep boljam jasalyp otyr. Al 2030 jylǵa qaraı keminde 15%-ǵa jetpek», - dedi Maǵzum Myrzaǵalıev Úkimet úıinde onlaın ótken baspasóz máslıhatynda.

Sonymen qatar mınıstr elimizde elektr energııasyn óndirý men tutyný kóleminiń artqanyn aıtty.

«Bir jyldyń ishinde elektr energııasyn óndirý men tutyný 7% -ǵa óskeni baıqalady. Bul - óte úlken kórsetkish. Osy oraıda qazir biz birqatar sheshimder qabyldaýymyz kerek. Birinshiden, ulttyq operatorlar, aıtar bolsaq KEGOC-qa otyn energetıkasy tapshylyǵy týyndaǵan sátte ony qoldanýdy azaıtý nemese shekteý quqyǵy berilýi tıis. Ekinshiden, elimizde maınıng naryǵyn damytý kerek, bul - ýaqyt talaby», - deıdi ol.

Buǵan deıin mınıstr eldegi solıarka tapshylyǵyna qatysty túsinikteme berdi.


Joǵary qaraı