Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda 3,8 mln adam sozylmaly aýrýlarmen esepte tur

2021 jyldyń 11 mamyr 2021 14:05

NUR-SULTAN. QazAqparat – Qazaqstanda 3,8 mln adam sozylmaly aýrýlarmen esepte tur. Bul jaıynda Májilis depýtattarynyń saýalyna QR Premer-Mınıstri Eraly Toǵjanovtyń jaýabynda aıtylǵan, dep habarlaıdy QazAqparat tilshisi.

«Respýblıkada medıtsınalyq qamtýdyń úsh deńgeıli júıesi qalyptastyrylǵan. Júıeniń birinshi deńgeıi – tegin medıtsınalyq kómektiń kepildendirilgen kólemi barlyq azamatqa tegin medıtsınalyq kómek kórsetýge baǵyttalǵan. 2021 jyly tegin medıtsınalyq kómektiń kepildendirilgen kólemin qarjylandyrý 1 114,7 mlrd teńgeni nemese medıtsınalyq kómektiń jalpy shyǵyndarynyń 61,2 paıyzyn qurady», - dedi Úkimet basshysynyń orynbasary.

Onyń atap ótýinshe, ekinshi deńgeı – Mindetti áleýmettik medıtsınalyq saqtandyrý. Oǵan bıyl 705,4 mlrd teńge bólindi. Al úshinshi deńgeıde medıtsınalyq qyzmetter azamattardyń qarajattary, erikti medıtsınalyq saqtandyrý, jekelegen sanatqa kiretin tulǵalarǵa (áskerı qyzmetshilerge, arnalýy memlekettik jáne quqyq qorǵaý organdary qyzmetkerlerine) qosymsha kómek esebinen aqyly negizde kórsetiledi. Sonymen qatar azamattarǵa sozylmaly aýrýlar kezinde medıtsınalyq kómek tegin medıtsınalyq kómektiń kepildendirilgen kólemi aıasynda tegin usynylady.

«Búginde sozylmaly aýrýlarmen esepte turǵandardyń jalpy sany 3,8 mln adam. Olardyń tek 742 myńy ǵana Mindetti áleýmettik medıtsınalyq saqtandyrý júıesinde saqtandyrylǵan. Osylaısha, Qazaqstannyń MÁMS júıesi áleýmettik baǵdarlanǵan sanalady jáne halyqty alǵashqy ári saqtandyrý mártebesine qaramastan barynsha qajetti qyzmettermen qamtýǵa múmkindik beredi. Qazirgi ýaqytta tólem jasaǵan nemese jarna aýdarǵan tulǵalardyń sany 18 mln adamdy quraıdy. Onyń negizgi bóligi jeńildik sanatyna kiretin (11,2 mln adam) tulǵalar. Olarǵa jarnany memleket tóleıdi», - dedi Eraly Toǵjanov.


Joǵary qaraı