Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda 20 qazannan bastap karantın shekteýi jeńildeıtin boldy

2021 jyldyń 19 qazan 2021 09:25

NUR-SULTAN. QazAqparat – QR Densaýlyq saqtaý mınıstri Aleseı Tsoı Úkimet otyrysynda 20 qazannan bastap Qazaqstanda karantın sharalary jeńildeıtinin aıtty, dep habarlaıdy QazAqparat tilshisi.

«Epıdemıologııalyq jaǵdaıdyń turaqtanýyn, sondaı-aq vedomstvoaralyq komıssııanyń vaktsınatsııaǵa jatatyn kontıngenttiń 70%-dan astamyn ekpemen qamtyǵanyn eskere otyryp, 2021 jylǵy 20 qazannan bastap mynadaı sharalarǵa ruqsat berý týraly sheshim qabyldandy:

Kelýshiler COVID-19-ǵa qarsy vaktsınatsııalaýdyń tolyq kýrsyn alǵany týraly qujatty nemese PTR anyqtamasyn usynǵan kezde qarttar men múgedekter úıi, balalar úıi sııaqty medıtsınalyq-áleýmettik obektilerdiń patsıentterine barýǵa ruqsat beriledi», - dedi vedomstvo basshysy.

Sondaı-aq, ol túngi klýbtardyń qyzmeti tek «jasyl» mártebesi bar adamdarǵa arnalatynyn eskertti.

«Olardyń tolymdylyǵy 50%-ǵa deıin, biraq «jasyl aımaqta» 100 adamnan artyq emes, «sary aımaqta» 70 adamnan artyq emes, «qyzyl aımaqta» 50 adamnan artyq emes bolýy shart.

Ashyq jobasyna qatysatyn bıznes obektileriniń jumys ýaqyty «jasyl aımaqta» saǵat 03-00-ge deıin, Ashyq jobasynyń kóshbasshylary - saǵat 05-00-ge deıin, «sary aımaqta» saǵat 01-00-ge deıin, Ashyq jobasynyń kóshbasshylary - saǵat 03-00-ge deıin uzartylady», - dedi mınıstr.


Joǵary qaraı