Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda 16 myńnan astam shetel azamaty eńbek etip júr

2021 jyldyń 21 qazan 2021 09:23

NUR-SULTAN. QazAqparat - 2021 jylǵy 1 qazandaǵy jaǵdaı boıynsha 16 190 shete azamaty jergilikti atqarýshy organdardyń ruqsaty boıynsha Qazaqstan Respýblıkasynyń aýmaǵynda eńbek qyzmetin júzege asyrýda.

Bul týraly QazAqparat QR Eńbek jáne halyqty áleýmettik qorǵaý mınıstrliginiń baspasóz qyzmetine silteme jasap habarlaıdy.

Sheteldik jumys kúshin (budan ári – ShJK) tartýǵa berilgen ruqsattardyń ishinde mynadaı sanattar bar: birinshi sanat – 650 (basshylar jáne olardyń orynbasarlary), ekinshi sanat – 3 253 (qurylymdyq bólimshelerdiń basshylary). Tartylǵan ShJK-niń negizgi bóligi úshinshi (mamandar) jáne tórtinshi (bilikti jumysshylar) sanattarǵa jatady – tıisinshe 7 779 adam jáne 697 adam. Sondaı-aq maýsymdyq jumystarǵa – 1 912 adam, al korporatıvtik aýystyrý sheńberinde – 1 899 adam tartylǵan.

Qazirgi ýaqytta Qazaqstanda ShJK paıdalanatyn 1 883 jumys berýshi bar. Olarda shamamen 479 myńnan astam Qazaqstan azamattary jumys isteıdi, bul jalpy jumysshylar sanynyń 96%-yn quraıdy.

Eńbek mıgranttary shyǵatyn negizgi elder: Qytaı – 3 807 adam, Ózbekstan – 1 938 adam, Túrkııa – 1 759 adam, Úndistan – 1 075 adam, Ulybrıtanııa – 962 adam.

Esterińizge sala keteıik, ishki eńbek naryǵyn qorǵaý maqsatynda QR Eńbek jáne halyqty áleýmettik qorǵaý mınıstrligi jyl saıyn elimizge sheteldik mamandardy tartýǵa arnalǵan kvota belgileıdi. 2021 jyly kvota mólsheri jumys kúshine shaqqanda 0,31%-dy nemese 29,3 myń birlikti qurady.


Joǵary qaraı