Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaqstanda 16 myńǵa jýyq shetel azamaty jumys isteıdi

2022 jyldyń 19 mamyr 2022 11:00

NUR-SULTAN. QazAqparat - 2022 jylǵy 1 mamyrdaǵy jaǵdaı boıynsha jergilikti atqarýshy organdardyń ruqsatymen Qazaqstan aýmaǵynda 15 932 shetel azamaty eńbek etedi, dep habarlaıdy QazAqparat.

QR Eńbek jáne halyqty áleýmettik qorǵaý mınıstrliginiń málimetinshe, Shetel jumys kúshin (budan ári – ShJK) tartýǵa ruqsattardyń arasynda mynadaı sanattar bar: basshylar men olardyń orynbasarlary úshin 630 ruqsat (birinshi sanat), qurylymdyq bólimshelerdiń basshylary úshin 3 154 ruqsat (ekinshi sanat). Tartylǵan ShJK negizgi bóligi úshinshi (mamandar) jáne tórtinshi (bilikti jumysshylar) sanattarǵa jatady – tıisinshe olar 7 643 jáne 837 adam. Sondaı-aq maýsymdyq jumystarǵa 1 343 adam, al korporatıvtik aýystyrý aıasynda 2 325 adam tartyldy.

Qazirgi ýaqytta Qazaqstanda sheteldik jumys kúshin paıdalanatyn 1 733 jumys berýshi bar. Olarda 391 myńnan astam Qazaqstan azamaty jumys isteıdi, bul qyzmetkerlerdiń jalpy sanynyń 96% - y.

Eńbek mıgranttary keletin negizgi elder: Qytaı – 3 613 adam, Túrkııa – 1 838 adam, Úndistan – 1 293 adam, Ózbekstan – 1 385 adam, Ulybrıtanııa – 1 083 adam.

«Іshki eńbek naryǵyn qorǵaý maqsatynda QR Eńbek jáne halyqty áleýmettik qorǵaý mınıstrligi jyl saıyn respýblıkaǵa shetel mamandaryn tartýǵa kvota belgileıdi jáne bóledi. Osy jylǵy qańtarda iri otandyq bıznes ókilderimen kezdesý qorytyndysy boıynsha Memleket basshysynyń bergen tapsyrmasyn oryndaý úshin mınıstrlik shetel jumys kúshin tartýǵa arnalǵan kvotany buryn josparlanǵan 28 352 birlikten 23 560 birlikke deıin, ıaǵnı 4 792 adamǵa (16%) qysqartty»,-delingen habarlamada.


Joǵary qaraı