Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaqstanda 13 myńǵa jýyq áskerı revaktsına jasatty

2021 jyldyń 28 jeltoqsan 2021 14:53

NUR-SULTAN. QazAqparat - Qazaqstanda armııanyń 13 myńǵa jýyq áskerı qyzmetshisi men azamattyq personalyna qaıtadan koronavırýs ekpesi salyndy, dep habarlaıdy QazAqparat Qorǵanys mınıstrliginiń baspasóz qyzmetine silteme jasap. Medıtsınalyq turǵyda qarsy kórsetilimi bar adamdarǵa ǵana vaktsına egilmeıdi.

«Qorǵanys mınıstrliginiń áskerı emhanalary jáne tirkelgen jerindegi azamattyq emdeý mekemeleri, sondaı-aq áskerı jáne azamattyq emdeý mekemeleriniń kóshpeli egý brıgadalary belsendiligi joıylǵan vaktsına arqyly revaktsınatsııa júrgizedi», – dedi Bas áskerı-medıtsınalyq basqarmasynyń bastyǵy medıtsına qyzmetiniń polkovnıgi Tımýr Oshaqbaev.

Qazaqstannyń bas sanıtar dárigeriniń revaktsınatsııa júrgizý týraly qaýlysyna sáıkes COVID-19 qarsy ekpeniń tolyq kýrsynan keıin alty aı ótkende qaıta ekpe salý qajet.

Bas áskerı-medıtsınalyq basqarmasy el Qarýly kúshterindegi koronavırýs ınfektsııasy boıynsha epıdemıologııalyq ahýal ujymdyq ımmýnıtettiń qalyptasýynyń arqasynda turaqty ekenin atap ótti.


Joǵary qaraı