Aýa raıy
Astana -15 °S
Almaty -7 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda 11 myń shaqyrym jol aqyly bolady

2020 jyldyń 1 qazan 2020 20:12

BALQASh. QazAqparat – Elimizde jyl sanap aqyly jol kólemi artyp keledi. Osy oraıda aqyly jol protsesi qalaı júzege asyrylady jáne baǵanyń qalaı bekitiletindigi týraly «QazAvtoJol» ulttyq kompanııasynyń basqarma tóraǵasy Ulan Álipov aıtyp berdi, dep habarlaıdy QazAqparat tilshisi.

«Aqyly joldardyń tarıfin bekiter aldynda aldymen qoǵamdyq tyńdaý ótedi. ıAǵnı kópshilik jurttyń pikiri mindetti túrde eskeriledi. Qazirgi ýaqytta aqyly jol baǵasy jeńil kólik úshin 1 shaqyrymy 1 teńgeni qurasa, júk kólikteri úshin 15 teńge turady. Bul tarıf 2013 jyly qoıylǵan sodan beri ózgergen joq. Taǵy bir aıtyp keterligi, budan ári ár jol ýchaskesine jeke baǵa ornatylatyn bolady. 2024 jylǵa deıin elimizde 11 myń shaqyrym joldy aqyly qylamyz degen josparymyz bar», - dedi U. Álipov.

Ulttyq kompanııa basshysynyń málimdeýinshe, aqyly joldardan túsken qarjy sol joldardy qaıta jóndeýge jumsalady.

«Respýblıka boıynsha 24 myń shaqyrym jol bar bolsa, sony kútip ustaýǵa normatıvke sáıkes bizge bıýdjetten 54 mlrd teńge qarjy berilýi kerek. Búginde berilgeni 28 mlrd teńge ǵana, al qalǵanyn biz aqyly joldyń esebinen óndirýdemiz. Sebebi joldan aqaý shyqqan jaǵdaıda dereý jóndemese onyń jumysy kóbeıip ketedi, al ol úshin qarjy kerek. Al jetpegen jaǵdaıda Úkimetten qosymsha qarajat suraıtyn bolamyz. Ol úshin aldymen saraptama jumystaryn júrgizemiz», - deıdi ol.

Onyń aıtýynsha, aqyly joldy tutynýshy kóliktiń sany kóbeıgen saıyn, baǵany ósirmeı kerisinshe túsirý kerek.

«Taǵy bir jańalyǵymyz bolashaqta aqyly joldardy aýtsorsın kompanııalarǵa bermekpiz. Qazirgi kúni elimizde 4 aqyly jol ýchaskesi bolsa, sonyń 3-n aýtsorsıngke beremiz. Barlyq protsess onlaın túrde júrip jatyr, onyń alǵashqy nátıjesi aldaǵy 5 qazanda belgili bolady. Bul degenimiz aqyly joldardy jeke menshik kompanııalar kútip ustaıdy. ıAǵnı belgili bir jer ýchaskesine bekitilgen kompanııa joldyń sapasyna jáne qajet bolǵanda jóndeý jumystaryn júrgizýge tolyqtaı jaýapty bolady», - deıdi kompanııa basshysy.

Aıta ketsek, atalǵan kompanııa «Qaraǵandy - Balqash» tasjolynyń qaıta jóndeý jumystarymen tanystyrý maqsatynda BAQ ókilderine arnalǵan baspasóz týryn uıymdastyrdy.


Avtor Álı Ibraev
Basty sózder: Infraqurylymdyq jobalar, Kólik, Jol,
Joǵary qaraı