Aýa raıy
Astana -28 °S
Almaty -4 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda 10 jylda náreste shetineý eki ese azaıdy

2020 jyldyń 20 qarasha 2020 11:51

NUR-SULTAN. QazAqparat – Qazaqstanda keıingi 10 jylda náresteniń shetineý kórsetkishi eki ese azaıdy. Bul týraly QR Bilim jáne ǵylym vıtse-mınıstri Bıbigúl Asylova málim etti, dep habarlaıdy QazAqparat tilshisi.

«Densaýlyq saqtaý salasynda kóptegen kórsetkish boıynsha oń dınamıka baıqalady. Keıingi 10 jylda náresteniń shetineý kórsetkishi eki ese azaıǵan. 0-14 jas aralyǵyndaǵy balalardyń aýrýǵa shaldyǵý kórsetkishi, atap aıtqanda alǵashqy dıagnozy boıynsha 2019 jyldyń 9 aıynda 100 myń balanyń ishinde 19 164 jaǵdaı tirkeldi. Odan bólek áleýmettik qorǵaýdyń mańyzdy komponenti – bala týǵannan bastap beriletin áleýmettik járdemaqy. Bul tólem bala tapqan barlyq áıelge berilýde. 2019 jyly bul járdemaqy 400 myń anaǵa berildi. Bul maqsatta respýblıkalyq bıýdjetten 44 mlrd teńge bólindi», - dedi Bıbigúl Asylova «Balalyq shaqty qorǵaý júıesiniń tıimdiligi jáne balanyń ál-aýqaty: memleket pen azamattyq qoǵamnyń birigýi» taqyrybynda baspasóz máslıhatynda.

Onyń aıtýynsha múgedek balalardyń jáne az qamtylǵan otbasylardyń balalaryn áleýmettik turǵyda qoldaý sharalary júzege asyrylyp jatyr.

«Quqyqbuzýshylyqqa qarsy kúres salasynda máselen, sýıtsıdtiń aldyn alýǵa qatysty sharalar qolǵa alynýda. Polıtsııanyń aýmaqtyq organdary balalardyń quqyǵyna qarsy aqparat ornalastyrylǵan 1 454 sheteldik ınternet-resýrsty anyqtady. Sýıtsıdtiń árbir faktisi boıynsha sotqa deıingi tergeý amaldary júrgiziledi. Ondaı isterdiń árbiri jiti zerttelip, oqıǵanyń mán jaıy, óz-ózine qol jumsaýdyń naqty sebebi anyqtalady», - dedi ol.

Eske sala ketsek baspasóz máslıhatynda QR Bala quqyqtary jónindegi ýákil Arýjan Saın balalardyń shyǵarmashylyq jáne sporttyq úıirmeleriniń tegin bolýyn shektep turǵan kedergilerdi ataǵan edi. Onyń aıtýynsha balalarǵa tegin úıirme uıymdastyrýǵa ákimdikter yńǵaı tanyta qoımaǵan, ıaǵnı bıýdjetten bul maqsatta qarajat bólgisi kelmeı otyr.



Joǵary qaraı