Aýa raıy
Astana 9 °S
Almaty 19 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstan JOO-larynda qashyqtan nemese aralas oqý túri engizilýi múmkin

2020 jyldyń 6 tamyz 2020 22:24

NUR-SULTAN. QazAqparat – QR Bilim jáne ǵylym mınıstri Ashat Aımaǵambetov joǵary oqý oryndarynyń akademııalyq derbestigi boıynsha birqatar usynysyn jarııalady, dep habarlaıdy QazAqparat.

«Prezıdent Qasym-Jomart Toqaev mınıstrlikke joǵary oqý oryndarynyń akademııalyq derbestigin odan ári keńeıtý boıynsha jumys júrgizýdi tapsyrdy. 2018 jyly zań qabyldanyp, joǵary oqý oryndaryna akademııalyq jáne basqarýshylyq erkindik berildi.

Osy zań jobasyna jaýapty bola otyryp, ony qabyldaýdyń qandaı mańyzdy qadam bolǵanyn bilemin. Búgin 2 jyldan keıin osy baǵytta jumys isteý qajettigin kórip otyrmyz.

Mınıstrlik joǵary bilim berý júıesin odan ári jańǵyrtý jáne onyń básekege qabilettigin arttyrýǵa negiz bolatyn joǵary bilim berýdi damytý jónindegi daǵdarysqa qarsy jospar usynady», - dep jazdy mınıstr Facebook -tegi paraqshasynda.

Onyń aıtýynsha, úsh qadamnan turatyn jospardy ázirleý úshin saraptamalyq top qurylǵan, bul top naýryz aıynan beri talqylaýdy ótkizip keledi.

«Alǵashqy qadam – bilim berýge bıznes pen óndiris ókilderin, sheteldik oqytýshylardy tartýdy, óńiraralyq deńgeıde mamandar almasýyn yntalandyrý mańyzdy. Bilim berý stýdentti naryq shyndyǵyna daıyndaýǵa, odan qalys qalmaýǵa barynsha tyrysýy tıis.

Osyǵan baılanysty dárejelik, shtattyq jáne bazalyq bilim berý jónindegi talaptardy qaıta qaraý qajet dep sanaımyn. Bul ólshemderdi joıý mindeti turǵan joq, biraq olar joǵary oqý oryndarynyń erkindigin shektemeýi kerek. Atap aıtqanda, Meıramhana isi, Esep, Týrızm, Qyzmet kórsetý, Qarjy, IT, Jýrnalıstıka, Qoǵammen baılanys, Standarttaý jáne sertıfıkattaý syndy oqytý baǵyttary boıynsha dárejelik jáne shtattyq talaptardyń mańyzy joq jáne oqytýǵa praktıkterdi tartýdy qıyndatady», - deıdi vedomtsvo basshysy.

Sonymen birge, mınıstr dástúrli kúndizgi oqýmen birge qashyqtan nemese aralas oqý túrin tańdaý múmkindigin engizýdi usyndy.

«Naqty formany tańdaý stýdentke júkteledi. Usynylǵan oqý túri kóktemdegi jaǵdaıdan ózgeshe bolady, óıtkeni bastapqyda-aq qashyqtan oqytý formasy ýaqytsha sheshim retinde engizilgen edi. Árıne, bul jumysty oqytýshylardy oqytýmen jáne bilim berý baǵdarlamalaryn jańartýmen úılestirý qajet. Qashyqtan oqytý formasyn tolyq beıimdeý úshin zańnamalyq ózgerister qajet. Sondaı-aq, jalpy bilim berý pánderi (JBP) tsıkli boıynsha tıptik oqý baǵdarlamalaryn shekti etý, olardy JBP ıgerý qorytyndylary boıynsha qol jetkizilýi tıis oqytý nátıjelerin naqty tujyrymdaý usynylady. Qazir tıptik baǵdarlamalarda nátıjelerdi ǵana emes, olarǵa qol jetkizý ádisteri de sıpattalady. Mınıstrlik buǵan aralaspaýy kerek, akademııalyq erkindik tolyqqandy bolýy tıis», - dedi A. Aımaǵambetov.


Joǵary qaraı