Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstan joldardy jóndeý kezinde tehnıkalyq qadaǵalaý reıtıngin jasaýdy josparlap otyr

2021 jyldyń 9 naýryz 2021 11:29

NUR-SULTAN. QazAqparat - QR Indýstrııa jáne ınfraqurylymdyq damý mınıstrliginde «Nurly jol» memlekettik baǵdarlamasy aıasynda júzege asyrylyp jatqan avtojol jobalary boıynsha tehnıkalyq qadaǵalaý qyzmeti týraly keńes ótti, dep habarlaıdy QazAqparat.

Talqylaýǵa QR IIDM Avtomobıl joldary komıteti, QR IIDM Qurylys jáne turǵyn úı-kommýnaldyq sharýashylyq isteri komıteti, «QazAvtoJol» UK» AQ jáne «Jol aktıvteriniń ulttyq sapa ortalyǵy» RMK ókilderi qatysty.

Kezdesý barysynda tehnıkalyq qadaǵalaý qyzmetin baǵalaý júıesin ázirleý usynyldy. Bul reıtıng joba boıynsha sapaly jumys júrgizýge tehnıkalyq qadaǵalaýdy júzege asyratyn ınjenerlerdiń qyzyǵýshylyǵyn arttyrmaq. Sonymen qatar, tehnıkalyq qadaǵalaýdy derbes jaýapkershilikke tartý tetigi boıynsha usynystar ázirleý, onyń ishinde merdiger uıymdardy ǵana emes, tehnıkalyq qadaǵalaýdyń ınjenerlik kompanııalaryn da kepildik kezeńinde ortaq jaýapkershilikti bekitý bóliginde Qazaqstan zańnamasyna ózgerister engizý boıynsha usynysqa bastamashylyq etý máselesi kóterildi.

Esterińizge sala keteıik, tehnıkalyq qadaǵalaý avtomobıl joldarynyń qurylysy men jóndelýine baqylaý jasaıdy, sondaı-aq tehnıkalyq qurylǵylardyń kómegimen jol tósemin ornatý tehnologııasynyń saqtalýyn baqylaıdy.


Joǵary qaraı