Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaqstan jastary elimizge úndeý joldady

2022 jyldyń 10 qańtar 2022 17:17

NUR-SULTAN. QazAqparat – Elimizdegi jastar uıymdary qazaqstandyqtarǵa úndeý joldady. «QazAqparat» halyqararalyq aqparat agenttigiń úndeýdiń tolyq mátinin oqyrman nazaryna usynady.

Qurmetti jas qazaqstandyqtar!

Biz, Qazaqstan jastary, Qazaqstannyń dańqty tarıhy men dástúrlerin jalǵastyrýshylar, qoǵam men memlekettiń joǵary múddelerin negizge ala otyryp, el men Qazaqstan halqy aldyndaǵy óziniń qasıetti boryshyn sezine otyryp, birlik pen uıymshyldyqty, beıbitshilik pen qoǵamdyq kelisimdi, Táýelsizdiktiń myzǵymas qundylyqtaryn qorǵaı otyryp, El Prezıdenti Q.K. Toqaevqa tereń qurmet pen alǵys bildire otyryp, osy qıyn-qystaý sátte elimizdiń jas urpaǵyna úndeý jasaımyz.

Biz Memleket basshysy Q.K. Toqaevtyń QR Konstıtýtsııasyna sáıkes áreket etetin, qajetti sheshimderdi qabyldaıtyn - elimizdiń barlyq azamattarynyń tynyshtyǵy úshin kúresetin barlyq bastamalaryn tolyq qoldaımyz!

Qazaqstannyń jas azamattaryn tótenshe jaǵdaı talaptaryna, Zańǵa qatań baǵynýǵa, el tynyshtyǵyn buzatyn arandatýshylardyń sózine senbeýge, tek resmı derekkózderge ǵana senýge shaqyramyz.

Búginde elimizdiń barlyq óńirlerinde volonterlik shtabtar jumys isteıdi, olarǵa jastar problemalyq máselelerdi sheshý úshin júgine alady. Sondaı-aq jastar volonterlik shtabtardyń qyzmetine qatysa alady.

Osyndaı syn saǵatta biz el Prezıdentiniń aınalasyna toptasyp, birtutas bolýǵa tıispiz.

Bizge el tynyshtyǵy men yntymaǵy, halyq birligi kerek!

Bizde bir el, bir halyq, bir taǵdyr bar! Kúshimiz birlikte!

«Nur Otan» partııasy janyndaǵy «Jas Otan» JQ;

«Qazaqstannyń jastar kongresi» ZTB;

«Assambleıa jastary» RQB;

«Jas ulan» BBU» RQB;

«Jasyl el» RJEOSh;

«Qazaqstan stýdentter alıansy» RSQ;

«Bolashaq» Halyqaralyq stıpendııasy stıpendıattardyń assotsıatsııasy» QB;

«Kazaqstan KTK Odaǵy» RQB;

Óńirlik jastar uıymdary;

Nur-Sultan, Almaty, Shymkent qalalary men oblystardyń jastar resýrstyq ortalyqtary.


Basty sózder: Jastar, Úkimettik emes uıymdar,
Joǵary qaraı