Aýa raıy
Astana 1 °S
Almaty 6 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstan jańalyqtaryn Italııanyń jetekshi aqparattyq agenttigi taratýda

2020 jyldyń 27 qyrkúıek 2020 11:10

RIM. QazAqparat - Italııanyń jetekshi ANSA aqparattyq agenttigi «QazAqparat» HAA aqparattyq habarlamalarynyń bazasynda Qazaqstan jańalyqtaryn jarııalaýdy bastady.

«Qazaqstan jańalyqtary» aıdarynyń ashylýy 2020 jyldyń 23 qańtarynda «QazAqparat» halyqaralyq aqparat agenttigi ıtalııalyq ANSA aqparat agenttigimen yntymaqtastyq týraly qol qoıǵan memorandýmnyń arqasynda múmkin boldy. Yntymaqtastyq týraly memorandýmǵa «QazAqparat» AQ basqarma tóraǵasy Asqar Ýmarov pen ANSA agenttiginiń basqarma tóraǵasy Stefano de Alessandrı qol qoıdy. Qazaqstan jańalyqtary aǵylshyn tilinde jarııalanady. Ekonomıka, bıznes jáne týrızm salasyndaǵy jańalyqtardyń bir bóligi ıtalıan tiline aýdarylatyn bolady.

ANSA - ulttyq jáne halyqaralyq is-sharalardy qamtıtyn Italııanyń jetekshi aqparattyq agenttigi. ANSA bıyl óziniń 75 jyldyǵyn atap ótedi. Aqparattyq agenttiktiń elimizdiń barlyq aýmaǵy boıynsha 22 jeke keńsesi bar jáne óz qyzmetin álemniń 74 eliniń 80-nen astam qalasynda júzege asyrady. ANSA kún saıyn 3000-nan astam jańalyqtar materıaldaryn, sondaı-aq 700-den astam fotosýretter men beınelerdi taratady. Agenttik ıtalıan tilinde habar taratýdan basqa, aǵylshyn, ıspan, nemis, portýgal jáne arab tilderinde jańalyqtar usynady.





QazAqparat - Qazaqstanda alǵash ret halyqaralyq mártebege ıe bolǵan memlekettik aqparattyq agenttik. Bıyl «QazAqparat» HAA 100 jyldyq mereıtoıyn atap ótýde.


Basty sózder: BAQ,
Joǵary qaraı