Aýa raıy
Astana -15 °S
Almaty -14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstan jahandyq Teńizge shyǵar joly joq damýshy elderdiń tobyn basqardy

2020 jyldyń 8 qańtar 2020 15:34

NЬıÝ-IORK. QazAqparat - Qazaqstan jahandyq Teńizge shyǵar joly joq damýshy elderdiń tobyn basqardy, dep habarlaıdy QazAqparat QR SІM saıtyna silteme jasap.

7 qańtarda Qazaqstan Teńizge shyǵar joly joq damýshy elderdiń (TShJDE) tobyndaǵy 2020-2021 jyldarǵa arnalǵan tóraǵalyqty alyp qabyldady. Tóraǵalyq tabystaý rásimi BUU janyndaǵy topqa múshe memleketterdiń elshileri men sarapshylary jáne Eń damymaǵan elder, teńizge shyǵar joly joq damýshy elder men kishi araldyq damýshy memleketter máseleleri jónindegi BUU Joǵary ókili Fekıtamoeloa Ýtoıkamanýdyń qatysýymen ótti.




TShJDE tobyna 32 el, onyń ishinde 16 el Afrıka kontınentinen, 10 - Azııadan (Ortalyq Azııa barlyq bes eli men Aýǵanstan da), 4 - Eýropadan jáne Ońtústik Amerıkadan eki memleket kiredi.

Qazaqstan teńizge shyǵar joly joq eń iri el, ol muhıttardan eń alys qashyqtyqta (shamamen 3750 shaqyrym) ornalasqan.

Tóraǵalyq etý kezinde Qazaqstan 2014-2024 jyldarǵa arnalǵan teńizge shyǵar joly joq elder úshin Vena is-qımyl baǵdarlamasyn jáne BUU Ornyqty damý maqsattaryn júzege asyrýǵa tranzıt elderi, BUU agenttikteri jáne basqa da múddeli taraptarmen yntymaqtastyqty keńeıtý arqyly óńirlik negizde belsendi túrde járdemdesedi.

«Tóraǵa retinde Qazaqstan bizdiń Tobymyz jáne barlyq múddeli taraptarmen, onyń ishinde BUU mekemeleri, halyqaralyq qarjy ınstıtýttary, jeke sektor men ǵylymı ókilderi arasyndaǵy yntymaqtastyqty qarqyndatý maqsatynda barlyq kúsh-jigerlerdi salady», - dedi Qazaqstannyń BUU janyndaǵy Turaqty ókili Qaırat Omarov is-shara barysynda.

Sonymen qatar, ol Topty aldyńǵy eki jyl basqarǵan Paragvaıdyń BUU janyndaǵy Turaqty ókili Hýlıo Sesar Arrıolaǵa osy laýazymdaǵy atqarǵan aıtarlyqtaı jumys úshin alǵysyn bildirdi.




Fekıtamoeloa Ýtoıkamanýdyń aıtýynsha, Qazaqstan TShJDE tobynyń múddelerin ilgeriletý men qorǵaýǵa árdaıym belsendi ustanymda bolǵanyn atap ótti. Sonymen birge, ol Saýda máseleleri jónindegi TShJDE mınıstrlik kezdesýi Dúnıejúzilik saýda uıymy 12-shi mınıstrlik konferentsııasynyń sheńberinde 2020 jyly maýsymda Nur-Sultan qalasynda Qazaqstan Úkimeti uıymdastyratynyn habarlady.

Qazaqstan 2019 jylǵy 25 qyrkúıekte Nıý-Iork qalasynda ótken TShJDE-niń mınıstrlik jyl saıyn kezdesýi barysynda Toptyń tóraǵasy bolyp saılandy.

«Teńizge aýmaqtyq qol jetimdiliktiń bolmaýy, álemdik naryqtardan alystaý pen oqshaýlaný jáne joǵary tranzıttik shyǵyndar teńizge shyǵar joly joq elderdiń jalpy áleýmettik-ekonomıkalyq damýyna aıtarlyqtaı kedergi keltirýde. Olardyń teńizdegi saýdasy basqa elder arqyly tranzıtke baılanysty. Qosymsha shekaralar ótý jáne jahandyq naryqtardan qashyqtyq kólik qyzmetteriniń qunyn aıtarlyqtaı arttyrady. TShJDE-niń aldynda turǵan basqa negizgi syn-tegeýrinderiniń biri - álsiz ınfraqurylym, ekonomıkalyq shaǵyn naryqtar, klımattyń ózgerýine osaldyq, aqparattyq-kommýnıkatsııalyq tehnologııalarǵa qol jetimdiliktiń bolmaýy jáne t.b», delingen habarlamada.





Joǵary qaraı