Aýa raıy
Astana -3 °S
Almaty 2 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstan úshin etnosaralyq kelisimdi qamtamasyz etý negizgi basymdyq - Túımebaev

2020 jyldyń 15 qyrkúıek 2020 14:35

NÝR-SÝLTAN. KAZINFORM - Qazaqstanda etnosaralyq kelisimdi qamtamasyz etýdiń tıimdi saıası, quqyqtyq jáne ınstıtýtsıonaldyq-basqarý júıesi qalyptasty.

Bul týraly búgin Qazaqstan halqy Assambleıasynyń qurylǵanyna 25 jyl bolýyna oraı ótken konferentsııada aıtyldy, dep habarlaıdy QazAqparat tilshisi.

«Bizdiń konferentsııa Qazaqstan halqy Assambleıasynyń 25 jyldyǵy aıasynda ótkizilip otyr. Bul – úlken jáne mańyzdy kezeń. Kópultty Qazaqstan úshin etnosaralyq kelisimdi qamtamasyz etý mańyzdy basymdyqtardyń birine aınaldy. Birinshiden, Qazaqstan Respýblıkasynyń Konstıtýtsııasynda etnosaralyq jáne konfessııaaralyq qatynastar salasyn retteıtin keshendi normalar bar. Bizdiń elimiz bastapqyda mádenıetterdiń, tilder men dástúrlerdiń ártúrliligin moıyndaıtyn azamattyq qoǵamdastyq qurý jolyn tańdady. Ekinshiden, memleket dáıekti túrde ulttyq saıasattyń oılastyrylǵan strategııasyn júzege asyra otyryp, ultaralyq qatynastar salasyndaǵy turaqtylyqtyń kepili retinde áreket etedi. «Qazaqstan halqy Assambleıasy týraly» Zań, Qazaqstan halqy Assambleıasynyń 2025 jylǵa deıingi damý tujyrymdamasy jáne basqa qujattar qabyldandy», - dedi Qazaqstan halqy assambleıasy tóraǵasynyń orynbasary, Assambleıa hatshylyǵynyń meńgerýshisi Janseıit Túımebaev.

Onyń aıtýynsha, Elbasynyń saıası erik-jigeriniń arqasynda azamattyq teńdiktiń naqty ınstıtýtsıonaldyq tetikteri quryldy jáne ol únemi jetildirilip otyrady. Negizgi ınstıtýt – 1995 jyly qurylǵan Qazaqstan halqy Assambleıasy. QHA qurylǵan kezinen bastap óziniń qanatynyń astynda mańyzdy qoǵamdyq ınfraqurylymdy qurdy jáne biriktirdi.

«Etnostardyń mádenıetin, tilderin jáne dástúrlerin damytý úshin jaǵdaı jasalǵanyn atap ótken jón. Ulttyq teatrlar, etnıkalyq buqaralyq aqparat quraldary bar. Qazaqstandyq etnostardyń mádenıetin, dástúrleri men tilderin damytýdy qoldaý úshin memlekettik áleýmettik tapsyrys bólinedi. Osylaısha, Qazaqstanda etnosaralyq kelisimdi qamtamasyz etýdiń tıimdi saıası-quqyqtyq jáne ınstıtýtsıonaldy-basqarý júıesi qalyptasty», - deıdi ol.


Joǵary qaraı