Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaqstan ýnıversıtetteri jumys berýshilermen yntymaqtastyqty nyǵaıtyp jatyr

2022 jyldyń 20 mamyr 2022 16:21

NUR-SULTAN. QazAqparat - Qazaqstandyq joǵary oqý oryndary jumys berýshilermen yntymaqtastyqty nyǵaıtyp jatyr. Sondaı-aq ýnıversıtetter eńbek naryǵynyń suranysyna qaraı bilim baǵdarlamalaryn ázirleıdi, dep habarlaıdy QazAqparat.

Qazir stýdentter óndiristik tájirıbeden ótip, oqýdy aıaqtaǵan soń elimizdiń jetekshi kompanııalary men kásiporyndaryna jumysqa ornalasyp jatyr.

Ýnıversıtetter «Arselor Mıttal Temirtaý», «QazTransOıl», «Mańǵystaýmunaıgaz», «Jáırem taý-ken baıytý kombınaty», Parhomenko atyndaǵy Qaraǵandy mashına jasaý zaýyty, «Sokolov-Sarybaı taý-ken baıytý óndiristik birlestigi», «Qazaqstan Ǵarysh Sapary» UK», «Kaspi bank», «Samuryq-Qazyna» Ulttyq ál-aýqat qory» jáne basqa da kompanııalarmen kelisimsharttar men yntymaqtastyq týraly memorandýmdarǵa qol qoıdy.

Mysaly, L.N. Gýmılev atyndaǵy Eýrazııa ulttyq ýnıversıteti «Samuryq-Qazyna» AQ, «Ulttyq ǵaryshtyq zertteýler jáne tehnologııalar ortalyǵy» AQ, «Ulttyq aqparattyq tehnologııalar» AQ, «Qazaqstan Ǵarysh Sapary» UK» AQ, «Elektrondy qarjy ortalyǵy» AQ, Qazaqstan Munaı-gaz-energetıka kesheni uıymdarynyń qaýymdastyǵy, «Qazatomónerkásip» Ulttyq atom kompanııasy» AQ, «Ulttyq bıotehnologııa ortalyǵy» RMK, «Qazgeodezııa» RMK, «Qazgıdromet» RMK jáne basqa kelisimge keldi.

EUÝ-de bilim sapasyn arttyrýǵa, kadrlardy daıarlaýǵa, stýdentterdiń óndiristik praktıkadan ótýine jáne túlekterdiń jumysqa ornalasýyna járdemdesetin Jumys berýshiler keńesi jumys isteıdi.

Jumys berýshiler bilim baǵdarlamalaryn ázirleýge jáne saraptaýǵa da qatysady.

JOO stýdentteri men túlekteri úshin jumys berýshiler bos oryndar jármeńkesin, konferentsııalar, kórmeler, kásiporyndarda ekskýrsııalar, semınarlar, sheberlik sabaqtaryn ótkizedi.

Jumysqa ornalasý boıynsha eń joǵary kórsetkishter – Toraıǵyrov ýnıversıteti túlekterinde shamamen 98%.

Ýnıversıtet oblystaǵy iri kásiporyndarmen 270 yntymaqtastyq kelisimshartyn jasasqan. Olardyń ishinde «Qazaqstan alıýmınııi» AQ, «ERG Service» AQ, Aqsý ferroqorytpa zaýyty, Qazaqstan elektrolız zaýyty, Pavlodar munaı-hımııa zaýyty, Ekibastuz GRES-1 jáne t.b. bar.

Toraıǵyrov atyndaǵy ýnıversıtettiń stýdentteri birinshi kýrstan bastap oblys kásiporyndarynda dýaldy oqytýdan ótedi, sonymen qatar jumys berýshilerden aqyly taǵylymdamadan jáne tájirıbeden ótedi.

«Qazir ýnıversıtetter bilim berý baǵdarlamalaryn ázirlep, kadrlardy tartý kezinde jumys berýshilerdiń suranystaryna nazar aýdarady. Birqatar otandyq joǵary oqý ornynda Mansap jáne kásibı damý ortalyqtary jumys isteıdi. Olar jumys berýshilermen birlese otyryp, bos jumys oryndary jármeńkelerin, prezentatsııalar uıymdastyrady, stýdentter men túlekterge jumysqa ornalasý múmkindikteri men kásibı tájirıbeden ótý týraly aqparat beredi. Osylaısha mansap ortalyqtary túlekterge jumysqa ornalasýǵa jáne kásibı áleýetin iske asyrýǵa kómektesedi. 2021 jyly ýnıversıtetter 100-den astam bos jumys oryndary jármeńkesi, 200-ge jýyq kezdesý ótkizdi. Olarǵa 115 myńǵa jýyq ýnıversıtet stýdentteri, sondaı-aq 2 800-den astam mekeme, kásiporyndar men kompanııalardyń ókili qatysty», - dep túsindirdi QR BǴM Joǵary jáne joǵary oqý ornynan keıingi bilim departamentiniń dırektory Ádilet Toıbaev.


Joǵary qaraı