Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstan Úkimeti men reseılik «Sber» arasyndaǵy memorandým jobasy jarııalandy

2021 jyldyń 20 qyrkúıek 2021 14:46

NUR-SULTAN. QazAqparat – Qazaqstan Úkimeti men «Sberbank Rossıı» jarııa aktsıonerlik qoǵamynyń arasyndaǵy memorandýmǵa qol qoıý týraly Úkimet qaýlysy jarııalandy, dep habarlaıdy QazAqparat.

Qaýlyda Qazaqstan Respýblıkasynyń Úkimeti Tsıfrlyq transformatsııa men tsıfrlandyrýdyń platformalyq modeline kóshýge múddeli ekeni aıtylǵan.

«Qazaqstandyq baǵdarlamalyq qamtylym ázirleýshisi – «BTS Digital» JShS (Qazaqstan Respýblıkasy Úkimetiniń 40% úlesi bar ERG tobynyń enshiles kompanııasy) tsıfrlyq platformalyq sheshimderdi jasaý isinde tehnologııalary, tájirıbesi men quraldary bar «SBER» kompanııalar tobynyń strategııalyq áriptesi bolyp aıqyndaldy.

Jalpy praktıkadaǵy teń quqyqtyq, izgi nıet, qurmet pen senim negizinde áreket ete otyryp, SBER kompanııalary tobynyń strategııalyq áriptesiniń jáne «Astana» halyqaralyq qarjy ortalyǵy men QR Tsıfrlyq damý, ınnovatsııalar jáne aeroǵarysh ónerkásibi mınıstrliginiń Qazaqstan Respýblıkasyna tıesili beıindi uıymdarynyń qatysýymen jobany iske asyrý úshin arnaıy konsortsıým qurý týraly sheshim kelisildi», - delingen qujatta.

Memoranýdm aıasynda 2021 jyldyń sońyna deıin «Sber», BTS Digital jáne onyń úlestes tulǵasy arasynda govtech platformasyn mamandandyrylǵan derekter ortalyǵynyń bazasynda ornalastyrý úshin qorǵalǵan dınamıkalyq ınfraqurylym qurý týraly kelisimge qol qoıý josparlanyp otyr.

Sondaı-aq, «Ulttyq aqparattyq tehnologııalar» AQ men «Sberbank» JAQ arasynda Qazaqstan Respýblıkasynyń memlekettik kepildigimen «UAT» AQ-ǵa kredıttik jeli berý týraly kelisim jasalmaqshy. Kredıttik jeli Reseı rýblimen, 2022 jyldyń birinshi toqsanynyń sońyna deıin 500 mln mıllıon dollar kóleminde beriledi.

Qujat boıynsha, SBER kompanııalar toby usynylatyn baǵdarlamanyń aqparattyq qaýipsizdigine, qujattan tys fýnktsııalardyń joqtyǵyna kepildik berýi tıis.

Al GovTech platformasynyń jáne ondaǵy derekterdiń aqparattyq qaýipsizdigin qamtamasyz etý Qazaqstan Respýblıkasynyń «Memlekettik tehnıkalyq qyzmet» aktsıonerlik qoǵamyna júkteledi.

SBER kompanııalar toby Qazaqstan tarabyna Platform V platformasynyń komponentterine kodtyq aýdıt júrgizý múmkindigin beredi.

Bul rette sheteldik tehnıkalyq mamandardyń GovTech platformasynyń jáne «Elektrondyq úkimettiń» aqparattyq-kommýnıkatsııalyq ınfraqurylymyna qoljetimdiligi Qazaqstannyń memlekettik tehnıkalyq qyzmeti men Ulttyq qaýipsizdik qyzmeti qoıatyn talaptaryna sáıkes bolýy kerektigi aıtylǵan.

«Memorandým taraptar qol qoıǵan kúnnen bastap kúshine enedi. Memorandýmnyń qoldanylýy taraptar qujatta kórsetilgen yntymaqtastyqtyń barlyq baǵyttary boıynsha mindetteıtin kelisimderge qol qoıǵan kúnnen bastap, 2022 jylǵy 31 jeltoqsannan keshiktirmeı toqtatylady. Osy memorandým taraptardyń biriniń bastamasy boıynsha ekinshi tarapty otyz kún buryn jazbasha habardar etý arqyly kez kelgen ýaqytta buzylýy múmkin», - dep jazylǵan qaýly mátininde.

Qaýlynyń tolyq nusqasyn myna jerden oqýǵa bolady.

Eske salsaq, QR Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın kópshilik arasynda qyzý talqylanyp jatqan atalmysh másele boıynsha túsinikteme berdi.

Al Májilis depýtaty Maqsat Ramanqulov osy másele boıynsha Premer-Mınıstrge depýtattyq saýal joldaǵan edi.

Baǵdaý Mýsın osy másele boıynsha Qazaqstan telearnasydaǵy Ashyq alań baǵdarlamasynda da pikir bildirdi.


Joǵary qaraı