Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaqstan TMD boıynsha zeınetaqyny tamaqqa eń az jumsaıtyn el

2022 jyldyń 18 sáýir 2022 14:15

NUR-SULTAN.QazAqparat – Qazaqstan zeınetkerleriniń azyq-túlikke jumsaıtyn shyǵyn kórsetkishi boıynsha 44 eldiń arasynda 37-orynda, dep habarlaıdy QazAqparat Finprom.kz silteme jasap habarlaıdy.

«Azyq-túlik baǵasy men zeınetaqy kóleminiń ara qatynasy esepke alynǵan reıtıng boıynsha Qazaqstan 44 memlekettiń ishinde 37 orynda tur. Qazaqstandyq zeınetkerler zeınetaqysynyń 47,2%-yn tamaqqa jumsaıdy», - dep jazylǵan materıalda.

TMD-ǵa múshe sanalatyn ózge elderde bul kórsetkish bizdegiden kóp.

«Reseıde zeınetaqynyń 58,9%-yn, Moldovada 59,2%-yn, Belarýste 76,7%-yn, Ýkraınada 84,9%-yn tamaqqa jumsaıdy», -dep jazady Finprom.kz.

Al álemde bul kórsetkish boıynsha eń úzdik memleket – Norvegııa. Munda zeınetkerler zeınetaqysynyń 13,4%-yn ǵana azyqqa jumsaıdy. Ekinshi oryndaǵy Avstrııada bul kórsetkish 13,7% bolsa, úshinshi oryndaǵy Frantsııada 14,3%.

Álemdegi zeınetaqy mólsheri eń joǵary memleket te Norvegııa. Bul elde ortasha zeınetaqy mólsheri - 2017 dollar. Al Shveıtsarııada ortasha zeınetaqy mólsheri 1913 dollar, AQSh-ta 1663 dollar.

2022 jylǵy 1 sáýirdegi jaǵdaı boıynsha eldegi zeınetkerler sany 2 mln 245,6 myń adamnan asady.


Joǵary qaraı