Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

«Qazaqstan» teleradıokorporatsııasy «Altyn qor» saıtyn iske qosty

2021 jyldyń 2 jeltoqsan 2021 20:15

NUR-SULTAN. QazAqparat – «Qazaqstan» teleradıokorporatsııasy «Altyn qor» saıtyn iske qosty. Saıtta qazaqtyń ardaqty perzentteriniń vıdeosy men daýsy, ultqa qyzmet jolyndaǵy kórnekti isteri týraly qundy derekter toptastyrylǵan, dep habarlaıdy QazAqparat tilshisi.

Kazmedia ortalyǵynda «Qazaqstan» teleradıokorporatsııasynyń altynqor.com caıty tanystyryldy.

Saıtta Qazaq televızııasy qoryndaǵy 1930 jyldardan bergi vıdeo jáne aýdıomaterıaldar toptastyrylǵan.

Bul týraly korporatsııanyń basqarma tóraıymy Lázat Tanysbaı málim etti

«Bul - altyn qorda uzaq jyldardan beri saqtalǵan murany qyzyǵýshylyq tanytqan árbir janǵa qoljetimdi etý úshin júzege asqan joba. Saǵynyshqa aınalǵan beıneler men daýystardy, mazmunyn joǵaltpaǵan habarlardy osylaısha halyqtyń ıgiligine qaıta usynýdy jón sanadyq. Saıtty qarapaıym kórermennen bólek, zertteýshi ǵalymdar úshin ashyq derekkóz retinde paıdalana alady. Búginde qorda 110 myńnan astam beıne jáne aýdıomaterıal bolsa, onyń qatary jyl saıyn 1000 materıalmen tolyqtyrylyp otyrady. Sondyqtan saıtty toltyrý isi de turaqty túrde jalǵasady», - dedi Lázzat Tanysbaı.

Saıttaǵy muraǵat materıaldar birneshe bólim boıynsha iriktelgen. Mysaly, «Beıneqor» bóliminde S.Áshimbaev, Sh.Murtaza, S. Orazalın júrgizgen «Paryz ben qaryz», «Ult jáne sana», «Suhbat» baǵdarlamalary, «Tamasha», «Halyq qazynasy», «Asyl mura», «Adam izdep júrmin», «Kelesi aıaldama», «Kesh jaryq», «Kúltóbe» syndy 800-den astam bólimnen turatyn 50 telehabar, «Sovettik Qazaqstan» kınojýrnaly men «Qazaqtelefılm» óndiristik birlestiginiń jobalary bar.

Al «Tulǵalar» bóliminde K.Ázirbaev, M.Áýezov, S.Muqanov, Ǵ.Músirepov, Ǵ.Mustafın, Á.Tájibaev, Sh.Jıenqulova, K. Baıseıitova, Sh.Aımanov, Sh.Aıtmatov, Q.Myrza Áli syndy tulǵalardyń qatysýymen ár jyldary túsirilgen beınetoptamalar qamtylǵan.

«Aýdıoqor» bólimine 1954 jyldan bergi saqtalǵan M.Áýezov, S.Muqanov, І.Esenberlın, B.Soqpaqbaev, Ǵ.Músirepov syndy 100 ult qaıratkeriniń ár jyldary jazylyp alynǵan daýystary, Q.Baıjanov, K.Ázirbaev, Q.Babaqov, Á.Qashaýbaev, J.Elebekov, J.Kármenov, M.Eshekeev sııaqty qazaq án óneri maıtalmandarynyń daýysymen jazylǵan 132 án, ár jyldary Qazaqstan tóńireginde júrgizilgen túrli ekspedıtsııalardaǵy sheshendik óner jaıyndaǵy suhbattar, Batyrlar jyrynyń 50 nusqasy, 100 kúı, 100 ertegi nusqasy, «Syńsý», Besik jyry, «Jar-jar», «Betashar», «Jarapazan», Joqtaý» syndy turmystyq-ǵuryptyq ánder engizilipti.

Shara aıasynda Qazaq radıosynyń 100 jyldyǵyna oraı jaryqqa shyqqan «Altyn qor. Amanat» aýdıojınaǵy tanystyryldy.

Antologııa «Dáýir úni», «Atadan qalǵan asyl sóz», «Batyrlar jyry», «Án óneri», «Kúı», «Salt-dástúr» jáne «Ertegi» dep atalatyn 7 bólimnen turady.

Aýdıojınaqtyń basty ereksheligi - usynylǵan týyndylar arnaıy flesh-kardqa jazylǵan.

Ár bólimniń sońyndaǵy QR-kod arqyly radıo jáne altynqor.com saıtynan jınaqtyń elektrondy nusqasyn tyńdaýǵa bolady.


Joǵary qaraı