Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstan Tájikstanǵa áskerı-tehnıkalyq járdem kórsetý týraly kelisimdi ratıfıkatsııalady

2021 jyldyń 2 jeltoqsan 2021 17:48

NUR-SULTAN. QazAqparat - Memleket basshysy «Qazaqstan Respýblıkasynyń Úkimeti men Tájikstan Respýblıkasynyń Úkimeti arasyndaǵy tájik-aýǵan shekarasyna irgeles aýdandarda qaýipsizdikti qamtamasyz etýde áskerı-tehnıkalyq járdem kórsetý týraly kelisimdi ratıfıkatsııalaý týraly» Qazaqstan Respýblıkasynyń Zańyna qol qoıdy, dep habarlaıdy QazAqparat Aqordaǵa silteme jasap.

Zańnyń mátini baspasózde jarııalanady.

Sondaı-aq QR Prezıdenti Qasym-Jomart Toqaev «Qazaqstan Respýblıkasynyń Úkimeti men Tájikstan Respýblıkasynyń Úkimeti arasyndaǵy óteýsiz áskerı-tehnıkalyq kómek kórsetý týraly kelisimdi ratıfıkatsııalaý týraly» Qazaqstan Respýblıkasynyń Zańyna qol qoıdy.

Zańnyń mátini baspasózde jarııalanady.

Atalǵan kelisim 2021 jylǵy 12 shildede Nur-Sultan qalasynda jasaldy.

«Kelisimge sáıkes Tájikstan tarapy Qazaqstannan beriletin áskerı múlikti tek tájik-aýǵan shekarasyna irgeles aýdandarda qaýipsizdikti qamtamasyz etý maqsatynda qoldanýǵa jáne olardy úshinshi tarapqa bermeýge mindettenedi», - dedi QR Qorǵanys mınıstriniń orynbasary Rýslan Shpekbaev 25 qarashada Senattyń jalpy otyrysynda.


Joǵary qaraı