Aýa raıy
Astana -15 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstan Prezıdenti «ıAdrolyq bestik» memleketterin Semeı shartyn ratıfıkatsııalaýǵa shaqyrdy

2020 jyldyń 23 qyrkúıek 2020 20:28

NUR-SULTAN. QazAqparat - ıAdrolyq qarýy joq árbir memleketke qaýipsizdiktiń zańdy turǵydan mindetti keri kepildikteri berilýi tıis. Bul týraly BUU Bas Assambleıasy 75-sessııasynyń jalpysaıası debattarynda sóz sóılegen QR Prezıdenti Qasym-Jomart Toqaev aıtty, dep habarlaıdy QazAqparat tilshisi.

«Pandemııa saldarynan biz taǵy da eki úlken syn-qatermen betpe-bet kelip otyrmyz. Birinshisi – ıadrolyq qarýdy taratpaý jáne qarýsyzdaný daǵdarysy.

Búginde Qazaqstan óz erkimen ıadrolyq arsenalynan bas tartqan jáne álemdegi eń iri atom synaq polıgonyn japqan memleket retinde barsha álemge úlgi bolyp otyr. Osylaısha beıbitshilik máselesine asa jaýapkershilikpen qaraıtyn el ekenin tanytty. Alaıda, ıadrolyq qarýdy taratpaý rejımi tolyq iske aspaǵandyqtan onyń qaýpi seıilgen joq. Osy oraıda, barlyq múshe memleketter adamzatty ıadrolyq apattan qutqarýǵa baǵyttalǵan qajetti ári kezek kúttirmes barlyq sharany qabyldaý týraly Qazaqstannyń ıadrolyq derjava sanalatyn elderge joldaǵan úndeýin qoldaıdy dep úmittenemin», - dedi Qazaqstan Prezıdenti.

Qasym-Jomart Toqaev Qazaqstan BUU-nyń tıisti ınstıtýttarynyń, sonyń ishinde, ıAdrolyq synaqtarǵa jappaı tyıym salý týraly shart uıymynyń belsendi rólin joǵary baǵalaıtyndyǵyn basa aıtty.

«Bul rette, ıadrolyq qarýy joq árbir memleketke qaýipsizdiktiń zańdy turǵydan mindetti keri kepildikteri berilýi tıis dep sanaımyz. Biz «ıadrolyq bestiktiń» barlyq memleketterin ıAdrolyq qarýdan taza aımaqtar týraly sharttyń tıisti hattamalaryn, sonyń ishinde Semeı shartyn ratıfıkatsııalaýǵa shaqyramyz«, - dedi Memleket basshysy.


Joǵary qaraı